iklan

JUSTISA, HEADLINE

PR Horta : Presiza iha formasaun bá Juiz, Prokuradór no Investigadór sira  

PR Horta : Presiza iha formasaun bá Juiz, Prokuradór no Investigadór sira  

Ministériu Públiku, realiza semináriu internasionál kona-ba rekoperasaun ativu no kombate korrupsaun liuhosi krime konexu, iha Timor Plaza Dili, segunda (21/11). Imajen Tatoli/Francisco Sony

DILI, 21 novembru 2022 (TATOLI)— Prezidente Repúblika, José Ramos Horta, hateten presiza kontinua nafatin fó formasaun ba Juiz, Prokuradór no Investigadór polisiál sira atu bele iha  koñesimentu ne’ebe klean liu tan. 

“Formasaun ba Juiz, Prokuradór no Juiz sira, ne’e tenke  kontinua, nune’e mos servisu iha parte polisia nian atu halo investigasaun mos presija  formasaun. Tanba formasaun  tenke mós fo iha parte étika, deontolojia, téknika investigasaun, meius tékniku no meius modernu investigasaun nian. Nune’e mos tenke respeita diretu umanu no kuidadu labele viola ema nia diretu no dignidade. Tanba ema ne’e inosente enkuantu  laiha  prova,” Prezidente Repúblika, José Ramos Horta, hateten iha nia intervervesaun  abertura ba konferénsia internasionál kona-ba rekuperasaun ativu no kombate korrupsaun liu husi krime konexu, ne’ebé realiza husi Prokuradoria Jeral Repúblika iha Timor Plaza, Salaun Suai Room, segunda  ne’e.

PR Horta  haktuir, Prokuradór Jerál Repúblika bele halo investigasaun, mais la signifika ema ne’e sala ona, maibé sira tenke halo duni investigasaun, tanba Prokuradór hanesan ajente Estadu nian hodi defende interese Estadu nian.

“Prokuradór Jerál Repúblika ne’e hanesan ajente estadu ne’ebe defende interese estadu nia diretu, no sira halo investigasaun kle’an hodi lori prosesu to Tribunal,”  PR Horta afirma.

Xefe Estadu subliña, nu’udar Prezidente no nu’udar ema umanu, justisa Timor nian tenke rigorozu no umanu, tenke tetu buat hothotu tanba Timor la’ós Nova Zelándia, Singapura no Norwegia. Timor ne’e Timor buat hotu tenke adapta ba nia realidade.

Jornalista: Natalino Costa

Editor      : Armandina Moniz

 

 

iklan
iklan

Leave a Reply

iklan
error: Content is protected !!