iklan

DESPORTU, DILI, HEADLINE

Komemora 28 novembru, SEJD aloka rihun $150 ba atividade desportu

Komemora 28 novembru, SEJD aloka rihun $150 ba atividade desportu

Sekretáriu Estadu Juventude no Desportu, Abrão Saldanha. Imajen Tatoli/Francisco Sony

DILI, 24 novembru 2022 (TATOLI)– Sekretariu Estadu Juventude no Desportu (SEJD), Abrão Saldanha, informa Governu aloka osan $150.000 atu hala’o atividade desportu iha loron komemorasaun Proklamasaun Independénsia, 28 novembru tinan ida ne’e.

SEJD mós hola parte mós hanesan komisaun organizadora ba atividade desportu nian hodi selebra iha postu administrativu hotu iha territóriu nasionál.

“Komemorasaun 28 Novembru tinan ne’e, ita hala’o iha Manatuto ho nune’e SEJD mós tama hotu iha komisaun organizadora ba atividade desportu nian. La’ós iha ne’ebá de’it SEJD hamutuk ho nia ekipa servisu iha postu administrativu hotu hodi hala’o mós atividade desportu hodi komemora loron importante ne’e. Nune’e totál orsamentu $150.000, hosi númeru ne’e aloka ba Manatuto hamutuk $24.000,” dehan SEJD Abrão iha Dili, kinta ne’e.

Atividade desportu ne’ebé hala’o iha Manatuto no munisípiu hotu mak desportu komunitáriu kompostu hosi, futeból, voleiból, basketból, kurida motosiklizmu no seluk tan. Alende atividade hirak ne’e iha Manatuto sei realiza mós desportu tradisionál balun ne’ebé sai ona kultura ba Manatuto no seluk tan.

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!