iklan

JUSTISA, HEADLINE

Prizioneiru 446 iha Becora komemora loron 28 Novembru

Prizioneiru 446 iha Becora komemora loron 28 Novembru

Prizioneiru iha prizaun Becora hamutuk na’in-446 ho guarda prizionál sira komemora loron proklamasaun independénsia ba dala-47 ho tema “Hamutuk ita Harii, Hametin no Haburas” ne’e atividade isár Bandeira, segunda (28/11). Imajen Tatoli/Natalino Costa.

DILI, 28 novembru 2022 (TATOLI)—Diretór Estabelesimentu Prizionál Prizaun Becora, João Domingos, hateten prizioneiru iha estabelesimentu prizionál prizaun Becora hamutuk nain-446 ho guarda prizionál sira komemora loron proklamasaun independénsia ba dala-47 ho tema “Hamutuk ita Harii, Hametin no Haburas” ne’e ho atividade isár bandeira.

Notísia Relevante: Administrasaun Viqueque hahú realiza jogu futeból iha ámbitu komemorasaun loron proklamasaun

Prizioneiru iha prizaun Becora hamutuk na’in-446 ho guarda prizionál sira komemora loron proklamasaun independénsia ba dala-47 ho tema “Hamutuk ita Harii, Hametin no Haburas” ne’e atividade isár Bandeira, segunda (28/11). Imajen Tatoli/Natalino Costa.“Prizaun Timor-Leste Becora no Gleno kada tinan sempre selebra loron nasionál 20 maiu, 30 agostu no 28 novembru ne’e hanesan kultura prizaun rua ne’e nian hodi fó importansia ba loron istóriku sira-ne’e ho atividade isár bandeira,” Diretór Estabesimentu Prizionál Prizaun Becora, João Domingos, hateten ba jornalista sira  hafoin preside seremonia komemora loron proklamasaun indepensia unilateral ba dala-47 tinan ne’e, ne’ebé halo iha Estabesimentu Prizionál Prizaun Becora, segunda ne’e.

Kemomorasaun loron istóriku sira-ne’e estabelesimentu prizionál Becora no Gleno sempre prenxe atividade ho desportu, doasaun raan no diseminasaun ba dadur sira oinsá lori fila sira ba iha sosiadade.

Iha ambitu komemorasaun loron proklamasaun independénsia 28 novembru ne’e, nia parte propoin ba Prezidente Repúblika atu dadur hamutuk-31 atu hetan indultu hosi Prezidente Repúblika.

“Ha’u hanoin prizioneiru sira-ne’ebé ha’u propoin ne’e prenxe rekezitu tuir lei, sira-ne’e nia pena menu hosi tinan ualu (8) la’ós krime droga, la’ós krime ómesidiu agravadu no mós violasaun seksuál inklui dadur sira la envolve iha krime organizadu sira,” nia informa.

“Sira ne’e atu hetan indultu ka lae ne’e depende fila-fali ba iha direitu prerogativu Prezidente Repúblika nian,” nia hateten.

Nia relata, iha prizaun Becora ne’e iha feto rua mak moras maibé daudaun ne’e rekupera ona no nia parte haruka fila-fali ba ona prizaun Gleno, no durante ne’e estabelsimentu prizaun Becora rejista prizioneiru hamutuk 23 mak sofre moras Infesaun vias Respiratóriu Aguda (IRA).

“Sira-ne’e maiória sofre moras kleur ona antes tama mai prizaun, maibé ami sempre fó tratamentu ba sira tanba iha ne’e ami mós iha klinika no durante ne’e ami la la halo violasaun ruma mb ita-nia prizioneiru sira,” nia dehan.

Entertantu, totál prizioneiru sira-ne’ebé tuir komomorasaun loron proklmasaun independénsia unilaterál 28 novembru ba dala-47 iha tinan ne’e hamutuk 446 kompostu hosi kondenadu 363 no prizaun preventiva hamutuk 83.

Jornalista : Natalino Costa

Editór      : Cancio Ximenes

iklan
iklan

Leave a Reply

iklan
error: Content is protected !!