iklan

EKONOMIA, HEADLINE

SASCAS apoiu ekipamentu piñera rai-henek ba komunidade iha Comoro

SASCAS apoiu ekipamentu piñera rai-henek ba komunidade iha Comoro

SASCAS-PM apoia ekipamentu piñera rai-henek ba komunidade na’in-20 ne'ebé servisu iha mota Comoro, munisípiu Dili. Imajen/ espesiál

DILI, 03 dezembru 2022 (TATOLI)–Servisu Apoiu Sosiedade Sivíl no Auditoria Sosiál iha Gabinete Primeiru Ministru (SASCAS-PM,sigla portugés), sesta ne’e, apoiu faze datoluk ekipamentu piñera rai-henek ba komunidade na’in-20 ne’ebé servisu iha mota Comoro, munisípiu Dili.

Tuir komunikadu ne’ebé Agência Tatoli asesu sábadu ne’e, ekipamentu piñera rai-henek liuliu sasan seluk hanesan karosa, kanuru boot, luvas liman, okulu, kapasete salva ulun, ropa, lona, rede, ne’e entrega diretamente hosi Diretór Ezekutivu SASCAS-PM, Edvin Duarte Soares Noronha, hodi fasilita komunidade hodi buka moris liuhosi piñera no suru rai-henek.

Diretór Ezekutivu, Edvin Duarte Soares Noronha hateten, apoiu ne’ebé SASCAS halo la sosa ekipamentu, maibé SASCAS hanesan servisu Públiku ida, ne’ebé tutela ba iha Primeiru Ministru hodi Jere Orsamentu Subvensaun Públika hodi tau matan ba iha sosiedade sivíl sira.

Edvin Duarte Soares Noronha hateten, ekipamentu ne’ebé sira fahe ne’e SASCAS hala’o parseira ho ADBN ne’ebe maka hala’o deskobrimentu ida iha mota Comoro nota katak, komunidade presiza tebes ekipamentu hodi buka moris liuhosi piñeira rai-henek.

Ho deskobrimentu ne’ebé parseiru ADBN iha SASCAS fó apoiu orsamentu ho totál $15.000 ba ADBN hodi sosa ekipamentu fó apoia ba komunidade.

Ba futuru nia dehan, SASCAS mós iha ona planu atu suporta sosiedade sivíl sira hodi fó atensaun mós ba sira nia saúde, tanba piñera rai-henek ne’e presiza mós tratamentu di’ak ida ba sira-nia saúde.

Komunidade ka benefisiáriu sira sente kontente no apresia ba inisiativa hosi SASCAS ne’ebé mak fó fundu ADBN hodi fó apoiu ba komunidade.

Jornalista : Arminda Fonseca

Editór      : Florencio Miranda Ximenes

iklan
iklan

Leave a Reply

iklan
error: Content is protected !!