iklan

NASIONÁL, DESPORTU, DILI, HEADLINE

Muay Thay nu’udar kultura Tailándia nian

Muay Thay nu’udar kultura Tailándia nian

DILI, 04 dezembru 2022 (TATOLI)— Embaixadór Tailándia iha Timor-Leste hamutuk ho Sekretaria Estadu Juventude no Desportu hala’o atividade atrasaun federasaun  Muay thay hodi komemora loron internasionál Tailándia iha Jináziu Dili.

Embaixadór Tailándia iha Timor-Leste, Ekapol Poolpat, esplika, atividade atrasaun ida-ne’e atu selebra loron  Tailándia ne’ebé mak monu iha loron  5 fulan-dezembru.

“Embaixada Tailándia lori Muay Thay mai iha Timor-Leste hodi introdús iha ne’e,  liuliu ba joven sira atubele tuir tanba ne’e ohin ami hamutuk ho Governu Timor Leste liuhosi Vise Ministru Edukasaun Juventude no Desportu  no SEJD hodi halo atividade ida-ne’e,” Embaixadór Tailándia iha Timor Leste, Ekapol Poolpat dehan ba jornalista sira.

Nia informa, razaun  dahuluk mak Muay Thay hanesan kultura Tailándia ne’ebé  troka kultura husi nasaun viziñu Tailándia ho Timor-Leste, razaun daruak mak sira mai atu fó treinu ba Muay Thay Timor-Leste  atu iha efisente di’ak  liután tanba Muay Thay hanesan desportu ida-ne’ebé mak inklina iha ASEAN Games.

Nune’e Vise Ministru Edukasaun Juventude no Desportu, Antonio Guterres, esplika modalidade ohin ne’e hatudu ba joven sira kapaas.

“Atividade ne’e ita konsidera hanesan  foun ida ha’u haree joven no labarik barak mak sente kontente hodi partisipa iha modalidade ida-ne’e tanba Muay Thay ida-ne’e la’o hela, joven sira kuaze 50 mak tuir tanba ne’e  ha’u ho Embaxadór Tailándia iha Timor-Leste,  liuliu treinadór na’in-rua ne’ebé mak hatudu atrasaun ida-ne’e ba ita-nia joven sira,” António Guterres esplika.

Prezidente Konfederasaun Desportu  Timor Leste  (CDTL), Marcario Floriano Sanches, informa federasaun Muay Thay servisui hamutuk ho embaixada Tailándia iha Timor Leste lori hela treinadór na’in-rua mai hatudu  atrasaun ba públiku.

“Muay Thay ne’e la’ós arte-marsiál maibé ne’e kultura Tailándia nian atubele habelar iha Timor-Leste hodi dada joven sira atubele tuir ,” nia hatutan.

Jornalista : Felicidade Ximenes

Editór: Evaristo Soares Martins

iklan
iklan

Leave a Reply

iklan
error: Content is protected !!