Top

Manán lotária, kompañia Berford la selu Adelino Baptista

Osan Dólar Amérika. Imajen/Espesiál

DILI, 06 dezembru 2022 (TATOLI)- Abitante ida ho naran Adelino Baptista, manán lotária ka SDSB hosi kompañia Lotariu Betford, maibé kompañia na’in la selu.

Adelino haktuir, kronolojia prosesu manán SDSB, nia hola SDSB iha segunda (5/12), iha tuku 16:00 lokraik, ho osan $90.

“Ha’u-nia osan rasik, SDSB Singapura hosi kompañia Lotária Betford bola merah  3380 ne’e ha’u kali $60, tiga angka kali $15 no ekor kali $15. Nomor sira-ne’ebé ha’u hola ne’e kona hotu kedan,” Adelino Baptista informa ba Tatoli liuhosi telefónika, kuarta ne’e.

Nunee iha loron (6/12), tuku 10:00 dadeer, Adelino Baptista atu ba foti osan, maibé Diretór kompañia Key sai mai dehan “ita-boot nia kupon SDSB problema uituan, ami halo konfirmasaun lai no sira haruka ha’u fila entaun to’o meudia laiha informasaun”.

“Ha’u ba check fali Diretór kompañia dehan nafatin ita-boot nia kupon problema tanba ne’e ami la selu ita-boot ho nune’e ha’u hato’o keixa ba Polisia Sientífika Investigasaun Kriminál (PCIC, sigla portugés),” nia haktuir.

Nia dehan, bainhira nia ba husu  iha edifísiu sentrál Lotária Betford, ekipa sira dehan ne’e tanba fallansu hosi ida ne’ebé maka fa’an kupon SDSB ne’e.

“Maibé ha’u la hatene, ha’u hanesan ema kiak,  ha’u hola SDSB ho ha’u+nia osan rasik, tanba ne’e ha’u sei hein nafatin durante loron tolu kuandu laiha informasaun, ha’u kontinua ezije hodi hetan osan,” Adelino Baptista informa.

Etertantu iha loron kuarta ne’e, oras 9:30, Adelino Baptista hato’o tán keixa ba Polísia Nasionál Servisu Investigasaun Kriminál (PNSIK), Komandadu  Jerál PNTL, Caicoli relasiona ho nia kazu ne’ebé komapañia Lotária Betford la selu ne’e.

Jornalista: Natalino Costa

Editór: Evaristo Soares Martins

Publisidade

Leave a Reply

Latest Post

error: Content is protected !!