Top

Atletico Ultramar -Lica-Lica FC rejista jogadór iha LFTL hodi partisipa liga époka 2022-2023

Jogadór LICA LICA LEMORAI (kamijola mean metan) hadau malu bola ho KABLAKI iha jogu divisaun II, Liga Futeból Timor-Leste, kinta 21 Otubru 2021 iha kampu Demokrasia Dili, Imajen Tatoli/António Gonçalves

DILI, 14 dezembru 2022 (TATOLI) – Klube futeból hosi primeira divizaun mak Coração (Atletico Ultramar) no segunda divizaun Lica-Lica Lemorai FC kompleta ona rejistrasaun jogadór iha Liga Futeból Timor -Leste (LFTL) hodi prepara bá partisipa liga époka 2022-2023.

Alende ne’e, iha mós klube DIT FC no tolu seluk ne’ebé hahú kompleta prosesu rejistrasaun, liuliu lista jogadór hodi submete ba LFTL.

Prezidente Interinu klube Coração (Atletico Ultramar), Fernando Baptista, hateten sira nia parte prontu ona atu kompete iha liga époka ne’e.

“Ohin, ami lori ho jogadór na’in-25, jogadór sira ne’e balu foun no balu tuan, ami preparadu atu compete iha liga époka ne’e”, dehan Fernando ba Agência TATOLI iha edifisiu LFTL Dili, kuarta ne’e.

Klube Coração mai hosi klube Atletico Ultramar ne’ebé antes ne’e nia Prezidente mak Ano Gusmão, maibé agora faan ona, nune’e muda ona naran ba Coração Atletico Ultramar bainhira joga kompleta ona tinan ida mak foin bele tau naran Coração loloos.

Enkuantu, LFTL loke janela transferénsia ba klube sira hahú fulan novembru to’o 12 dezembru maibé klube barak seidauk rejistu, nune’e prolonga tan ba semana rua no posibilidade liga sei hala’o janeiru tinan-oin.

Jornalista: Hortencio Sanchez

Editor   : Florencio Miranda Ximenes

Publisidade

Leave a Reply

Latest Post

error: Content is protected !!