iklan

DESPORTU, DILI, HEADLINE

Laiha koordenasaun, El-Matadór no Orientál Boxe lamenta FBATL hili nia-atleta ba selesaun nasionál

Laiha koordenasaun, El-Matadór no Orientál Boxe lamenta FBATL hili nia-atleta ba selesaun nasionál

Treinadór klube Boxe El-Matador Abilio Orlando dos Santos no treinadór klube Oriental Boxe Sebastião da Silva. Imajen Hortencio Sanchez

DILI, 14 dezembru 2022 (TATOLI) – Treinadór na’in rua hosi klube Boxe Timor – Leste Orientál Boxe no El-Matadór lamenta Federasaun Boxe Amadora Timor – Leste (FBATL), ne’ebé hili-nia atleta ba selesaun nasionál la fó koiñesimentu ba klubu.

“Ami sente preokupa tebes tanba parte FBATL foti ona naran atleta ne’ebé mak foin lalais sai kampiaun iha kampionatu nasionál Boxe iha Jináziu Dili ne’e ba iha ekipa nasionál, maibé federasaun rasik la fó koiñesimentu ba ami klube-sira, maibé fó ona nia naran ba Konfederasaun Desportiva Timor – Leste (CDTL-sigla portugés) atu prepara ba SEA Games Kamboja tinan oin”, dehan treinadór Oriental Boxe Sebastião da Silva ba Agência TATOLI iha Benfica Dili, kuarta ne’e.

Tanba ne’e, nia dehan boxista sira ne’ebé sai kampiaun ho prestasaun di’ak ne’e tanba klube mak halo investimentu liuliu treinu sira.

Iha fatin hanesan, Treinadór hosi El-Matador, Abilio Orlando dos Santos reforsa tan, FBATL hili nia-atleta sira la tuir regra.

“Ha’u nia atleta na’in rua mak federasaun foti hanesan  Delio Mouzinho no Elidio da Conceição hodi nomeia hanesan selesaun nasionál, atu prepara ba SEA Games tinan oin, federasaun ne’e, maibé la koordena ho ami”, nia lamenta.

Hataan ba kestaun ne’e, Komisaun Treinadór FBATL, Mateus Soares dos Anjos, rekoñese submete ona atleta hamutuk na’in-lima nia naran ba CDTL hodi sai hanesan selesaun nasionál ba compete SEA Games tinan oin iha Kamboja.

“Ami haruka duni atleta na’in lima nia naran ba CDTL, maibé Governu presiza na’in-haat de’it maibé ami haruka lima ne’e tanba ida rezerva, maibé atleta hirak ne’e seidauk iha desizaun finál hosi CDTL, sé CDTL foti ona desizaun sira tama ona ba faze treinamentu”, nia esplika

Kona-ba parte klube nia preokupasaun Mateus, relata sira la fó koñesimentu tanba FBATL haree hosi kampionatu no atleta na’in lima ne’e hatudu prestasaun di’ak.

Atleta na’in lima ne’e na’in rua hosi Oriental Boxe, na’in rua hosi El-Matador no ida hosi Benfica.

Jornalista: Hortencio Sanchez

Editór   : Florencio Miranda Ximenes

iklan
iklan

Leave a Reply

iklan
error: Content is protected !!