Top

FXTL prepara atleta na’in-neen bá partisipa ASEAN Para Games 2023

Imajen/espesial

DILI, 15 dezembru 2022 (TATOLI)— Prezidente Federasaun Xadrez Timor-Leste (FXTL) ba ema ho difisiénte, Inosencio Ximenes informa, hahú halo ona preparasaun ba atleta na’in-neen hodi bá partisipa iha eventu rejionál ASEAN Para Games, ne’ebé hahú iha loron 03 to’o 09 juñu 2023, iha Kamboja.

“Ami halo ona preparasaun ba atleta na’in-neen, kompostu hosi mane haat no feto rua. Atleta hirak ne’e ema ho ho kondisaun difisiénte fíziku”, dehan Prezidente FXTL ne’e ba Agência TATOLI iha Jináziu Dili, kinta ne’e.

Resposavel ne’e informa atleta hirak ne’e balun mai hosi munisípiu tanba ho objetivu hakarak promove ema ho difisiente sira ne’ebé iha talentu di’ak iha ba jogu refere.

“Ami hili atleta na’in-rua husi foho no seluk ne’e hela iha Dili, ami nia hanoin mak tenke promove atleta sira mai hosi munisípiu ne’e”, nia afirma.

Daudaun ne’e atleta sira hala’o treinamentu iha ida-idak nia fatin iha Dili laran, nune’e bele prepara di’ak liután hodi kompete iha eventu ne’e atu hamorin Timor -Leste nia naran.

Tuir dadus hosi FXTL katak atleta ho defiesinte na’in-100 resin iha territóriu nasionál.

Jornalista: Hortencio Sanchez

Editór     : Florencio Miranda Ximenes

Publisidade

Leave a Reply

Latest Post

error: Content is protected !!