Top

CDTL aprezenta rezultadu servisu 2022 ba federasaun desportiva

Prezidente CDTL, Macario Sanches. Imajen/ Media CDTL

DILI, 16 dezembru 2022 (TATOLI)— Konfederasaun Desportiva Timor-Leste (CDTL-sigla Portugés), sesta ne’e, realiza asembleia anuál hodi aprezenta rezultadu servisu tinan 2022 no planu tinan 2023 ba federasaun desportiva hotu.

“Iha asembleia anúal ne’e atu aprezenta rezultadu servisu ba federasaun sira hotu durante tinan dia nia laran”, Prezidente Konfederasaun Desportiva Timor-Leste (CDTL-sigla Portugés), Macario Sanches, hatete hafoin asembleia jerál ne’e iha Comoro-Dili, sesta ne’e.

Timor – Leste iha federasaun desportiva hamutuk-35, maibé kuaje 22 mak mai partisipa iha asembleia anúal ne’e. “Ami fiar katak liuhosi progresu ne’ebé ami hatudu hametin liután konfiansa sira nian mai ami”, nia dehan.

Progresu ne’ebé durante ne’e CDTL halo mak realiza promosaun ba federasaun hotu, liuhosi simpósiu, formasaun hotu-hotu ne’ebé akumula federasaun na’in-17 mak partisipa másimu tebes.

CDTL halo mós avaliasaun ba federasaun sira deteta iha federasaun lima priense ona kritéria hodi hataan ba diploma ministerial númeru 40/2022, kona-ba utilidade públika.

“Federasaun lima ne’e iha direitu liuhosi Sekretáriu Estadu Juventude no Desportu (SEJD) bele investe ba modalidade hirak ne’e, nune’e federasaun hirak ne’ebé seidauk to’o iha nivél ne’e bele esforsu-aan atu hetan hotu direitu ba utilidade públiku liuhosi fundu balun ne’ebé Governu sei fó”, nia afirma.

Modalidade lima ne’e prinse ona kritéria mak Atletizmu, Boxe, Voleiból, Xadrez no futeból no  sira seluk ne’ebé seidauk hetan ne’e esforsu no enkoraja sira atubele iha hotu direitu, maibé tenke prinse kritéria hanesan.

Kada fulan, CDTL sempre bolu federasaun sira atu ko’alia hatama dokumentu no prinse lalais kritéria hanesan, harii edifísiu rasik, servisu administrasaun la’o di’ak, tenke iha atleta, iha asosiasaun, klube no seluk tan.

Jornalista: Hortencio Sanchez

Editór    : Florencio Miranda Ximenes

Publisidade

Leave a Reply

Latest Post

error: Content is protected !!