DILI, 21 dezembru 2022 (TATOLI)— Xefe Departementu Tránzitu Seguransa Rodaviariu Nasionál, Assistenste Superintendente Polisia Albino Mouzinho, relata tuir dadus hahú hosi janeiru to’o 18 dezembru 2022, kazu asidente tráfegu konsege hamate ema na’in-105 iha territóriu nasionál.
Ho baze ba rekapitulasaun dadus asidente tráfegu ne’e hatudu totál ema lakon vida ho númeru aas liu okupa hosi munisípiu Dili ho kazu mate na’in-32, Baucau ho 15, Ainaro ho na’in-sia, Aileu nain-ualu, Bobonaro ema na’in-neen, Ermera na’in-hitu, Covalima na’in-tolu, Lautem na’in-haat, Liquica na’in-tolu, Manufahi laiha, RAEOA na’in-rua, Viqueque na’in-rua, Manatuto na’in-hitu.
“Nune’e, totál ema ne’ebé lakon vida iha asidente tráfegu ba tinan ne’e nain-105”, hatete Albino Mouzinho iha Caicoli-Dili, kuarta ne’e.
Alende ne’e, vítima asidente tráfegu ne’ebé hetan kanek grave iha territóriu nasionál na’in-410, hanesan munisipiu Aileu nain 25, Ainaro nain 12, Bobonaro nain -23, Baucau nain 37, Dili nain-119, Ermera nain- 22, Covalima nain-18, Lautem nain-17, Liquica na’in-54, Manatuto nain- 32, Manufahi nain-12, RAEOA nain-ualu no Viqueque nain-13.
Enkuantu, vítima ne’ebé kanek kamaan hamutuk 2.046, kompostu hosi munisípiu Aileu nai- 69, Ainaro nain-37, Bobonaro nain -86, Baucau nain-155, Dili na’in- 960, Ermera na’in- 65, Covalima na’in-92, Lautem na’in-54, Liquica na’in- 208, Manatuto nain-81, Manufahi nain- 41, RAEOA nain-74 no Viqueque nain-41.
Notísia relevante:Ekipa konjunta sei halo pasa revista ba veíkulu Estadu iha loron Natál-Tinan foun
Jornalista: Natalino Costa
Editór : Florencio Miranda Ximenes
