EKONOMIA, HEADLINE, MUNISÍPIU, OÉ-CUSSE (RAEOA)

Autoridade RAEOA dezloka funsionáriu aeroportu 25 tuir formasaun iha Jakarta

Autoridade RAEOA dezloka funsionáriu aeroportu 25 tuir formasaun iha Jakarta

Autoridade RAEOA dezloka funsionáriu Aeroportu tuir 25 formasaun iha Jekarta. Imajen Tatoli/ Abílio Elo Nini.

OÉ-CUSSE, 14 janeiru 2023 (TATOLI) – Autoridade Rejiaun Administrativa Espesiál Oé-Cusse Ambeno (RAEOA), lideradu Arsénio Paixão Bano, sábadu ne’e dezloka tán funsionáriu na’in-25 hosi aeroportu internasionál Rota do Sândalo tuir formasaun iha Jakarta, Repúblika Indonézia (RI).

Ekipa delegasaun ne’e, ne’e xefia hosi Responsável Administraasaun Finansa no lojístika iha aerroportu Rota do Sândalo RAEOA, Rojana Hei, ne’ebé lidera ekipa ne’e dezloka liuhosi transporte terrestre fronteira Sakato-Wini to’o distritu Kupaun, Indonézia, no sei kontinua viajen ba Jakarta iha domingu, 15 janeiru semana ne’e.

Responsável Administraasaun Finansa no lojistika iha aeroportu Rota do Sândalo, Rojana Hei, informa ekipa delegasaun ne’e hamutuk ema na’in-28 komposta hosi formandu na’in-25 no akompaña ema na’in-tolu.

“Ohin ita-nia funsionáriu sira sai hosi ne’e sei toba iha Kupaun, domingu mak sira sei kontinua ba Jakarta, formandu hirak mai sei tuir formasaun iha área tolu ho durasaun tempu la hanesan,” Rojana Hei, informa ba Agência Tatoli iha aeroportu internasionál Rota do Sândalo Oé-Cusse.

Bazea ba ajenda ofisiál ba formasaun ne’ebé Agência Tatoli asesu iha aeroportu internasionál Rota do Sândalo Oé-Cusse, katak hosi funsionáriu na’in-25 ne’e, mai hosi área tolu maka integra iha formasaun ne’e, maka hanesan;

Área Airport Security na’in-neen (6), komposta hosi junior na’in-haat (4) sei tuir formasaun durante loron 37, no seniór na’in-rua (2) sei tuir formasaun durante loron 51. Área Airport Operations hamutuk na’in-hitu (7) sei tuir formasaun durante semana rua.

Purtantu ba área Resue and Fire Fighter ka bombeiru nian hamutuk na’in-12, ho durasaun tempu la hanesan, na’in-haat (4) sei tuir formasaun durante loron 57, na’in-tolu (3) sei tuir formasaun durante loron 69, no na’in-lima (5) seluk sei tuir formasaun durante loron 35.

Entretantu fatin ba formasaun ne’e sei hala’o iha Curug, Tangerang Indonézia, sei abertura diretamente hosi Prezidente Autoridade RAEOA, Arsénio Paixão Bano iha segunda 16 janeiru semana oin.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!