iklan

NASIONÁL, EDUKASAUN, DILI, HEADLINE

Formasaun PRO-Portugés sei hein profesór Portugés 33 hosi Portugál

Formasaun PRO-Portugés sei hein profesór Portugés 33 hosi Portugál

Profesór sira iha ESG 5 de Maio Becora. Foto: https://esg5demaio.wordpress.com/

DILI, 19 janeiru 2023 (TATOLI)–Koordenadór Projetu PRO-Portugés, Armindo de Jesus Barros, relata katak formasaun PRO-Portugés ba profesór hamutuk 5,375 seidauk realiza ho másimu iha territóriu nasionál, tanba hein hela profesór portugés 33 ne’ebé sei iha hela Portugál seidauk fila-fali mai Timor.

Notísia Relevante: INFORDEPE realiza ona formasaun ba profesór 8.741 iha área tolu 

Daudaun ne’e, INFORDEPE prepara hela prosesu kontratu ba funsionáriu sira hodi hein prosesu viajen profesór Portug’es na’in-33 nian hosi Portugál maiTtimor no tuir planu sei to’o iha loron 23 janeiru 2023.

“Ita seidauk tun ba munisípiu sira hodi akompaña formasaun balun ne’ebé la’o ona iha munisípiu balun hanesan Ainaro, Manufahi no Covalima tanba ita sei hein hela profesór hosi Portugál ne’ebé sei mai iha semana ida-ne’e,” Armindo de Jesus Barros hateten ba Agência Tatoli iha nia kna’ar fatin, Balide, kinta ne’e.

Maske projetu PRO-Portugés ne’e seidauk la’o másimu maibé iha munisípiu balun h komesa ona maibé seidauk hetan akompañamentu másimu hosi responsavél programa PRO-Portugés nian.

Entretantu, iha profesór Portugés hamutuk na’in-neen (6) mak frekuenta hela atividade formasaun ba formandu sira iha Munisípiu sbalun hodi hein tan bainhira profesór sira kompleta ona maka bele aselera prosesu formasaun ne’e.

“Ha’u hakarak dehan ita iha ona profesór hamutuk na’in-3.225 mak tuir ona formasaun nivél A2, iha tinan kotuk maibé iha de’it profesór hamutuk na’in-3.000-resin mak pasa ona ba nivél B1,” nia dehan.

Hosi profesór na’in 3.000-resin ne’ebé hakat ona ba nivél B1 ne’e tuir planu INFORDEPE nian la sufisiente, tanba ne’e iha tinan 2023 ne’e sei loke tan oportunidade ba profesór hamutuk 5.375 atu tuir tan formasaun iha nivél B1 no B2.

Notísia Relevante: MEJD no Instituto Camões halo abertura kursu lian portugés iha Ainaro

Jornalista : Tomé Amado

Editór       : Cancio Ximenes

iklan
iklan

Leave a Reply

iklan
error: Content is protected !!