iklan

DESPORTU, DILI, HEADLINE

Viajen jogadór nain-rua ba Brazil adia ba 29 janeiru 

Viajen jogadór nain-rua ba Brazil adia ba 29 janeiru 

Diretora Nasionál Desportu Alta Kompetisaun iha SEJD, Maria Luisa Monteiro, Imajen/Hortecio Sanchez

DILI, 20 janeiru 2023 (TATOLI) Diretora Nasionál Alta Kompetisaun Sekretaria Estadu Juventude no Desportu (SEJD), Maria Luisa Monteiro, hateten jogadór timoroan nain-rua ne´ebé loloos aranka ba Brazil iha 20 janeiru maibé adia fali ba 29 janeiru tanba jorgadór sira refere sei kompleta dokumentu balun.

“Viajen loloos ne’e iha 20 janeiru ohin, maibé tanba sira nain-rua tenke kompleta tan dokumentu balun, hanesan sira nia viza no tenke kompleta vasina doze da-toluk, ida ne’e mak viajen muda ba 29 janeiru”, Diretora hateten  ba Agência TATOLI, iha edifísiu SEJD Lecidere, ohin.

Tuir nia viajen jogadór nain-rua, mak Ario Melio Ximenes no Roberto Olívio Costa hosi Timor-Leste ba Brazil, SEJD mak responsabilidade tikete, viza, akomodasaun, ho totál fundu $13,500

“Sira sai hosi Timor-Leste ne’e Governu mak sei responsabiliza, maibé to’o ona Brazil mak klube ne’ebé sira nain-rua atu treinu ne’e responsabiliza fali sira”, revela nia.

Jogadór hirak ne’e sei tuir formasaun iha klube ida iha sidade São Paulo Brazil ho naran Ibiuna FC.

Antes ne’e jogadór nain-rua tuir formasaun iha Sentru Futeból Juvenil Baucau no Festival Futeból Juvenil iha Estádiu Dili, sira na’in-rua hatudu rezultadu brillante dada kedan Governu nia atensaun hodi buka dalan ikus hodi haruka duni ba tuir formasaun iha Brazil hodi aumenta tan sira nia kapasidade hanesan futebolista no hanesan mós fini jogadór Timor-Leste nian.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!