iklan

DESPORTU, DILI, HEADLINE

Assalam FC preparadu kompete iha liga époka ne’e

Assalam FC preparadu kompete iha liga époka ne’e

Prezidente Assalam FC, Ipolito Soares. Imajen/Espesial.

DILI, 21 janeiru 2023 (TATOLI)–Prezidente klube primeira divizaun Liga Futeból Timor – Leste (LFTL) Assalam FC, Ipolito Soares, informa Assalam FC preparadu atu partisipa iha liga époka 2022-2023 ne’ebé sei realiza 18 fevreiru 2023 iha Estádiu Munisipál Dili.

“Ami preparadu, agora jogadór sira tuir ona treinamentu. Ita mós iha loron hira ba kotuk ba rejistu ona iha LFTL no hein de’it kalendariu sai ita bele partisipa ona jogu,” Ipolito Soares hateten ba Agência Tatoli iha Kampung Alor, Dili, sabadu ne’e.

Totál jogadór hosi Assalam FC ne’ebé rejista iha LFTL ne’e totál hamutuk na’in-23 ne’ebé kompostu hosi jogadór lokál hamutuk na’in-18 no jogadór estranjeiru hamutuk na’in-lima (5).

Jogadór estranjeiru hirak ne’e mai hosi nasaun la hanesan na’in tolu hosi Ghana, ida hosi Canada, ida hosi Korea Súl no ida hosi Chile.

Jogadór lokál hirak ne’e balun antes ne’e joga hela iha klube no barak kontratu hosi Lalenok United FC nia jogadór, tanba iha tinan kotuk klube Lalenok deside taka nia klube entaun Assalam FC kontaktu kedan jogadór hirak ne’e no selebra ona kontratu.

Dadaun ne’e, klube hamutuk neen mak rejista ona iha LFTL hodi partisipa liga époka ne’e, no klube neen (6) ne’e primeira divizaun tolu (3) no segunda divizaun tolu (3).

Klube hirak ne’e mak hanesan primeira divizaun Assalam FC, AS Ponta Leste, Atletico Ultramar, segunda divizaun mak hanesan DIT FC, Lica-Lica Lemorai FC no FIEL FC.

Jornalista : Hortencio Sanchez

Editór       : Cancio Ximenes

iklan
iklan

Leave a Reply

iklan
error: Content is protected !!