iklan

DESPORTU, DILI, HEADLINE

Délio uza Manny Pacquiao sai referénsia iha SEA Games

Délio uza Manny Pacquiao sai referénsia iha SEA Games

Boxista timor-oan, Delio Anzaqeci Mouzinho. Imajen Tatoli.

DILI, 08 fevereiru 2023 (TATOLI) Délio konta katak boxista internasionál, Manny Pacquiao mak sai ninia referénsia ne’ebé sempre hatudu prestasaun di’ak iha jogu nasionál no internasionál sira.

“Ha’u dalabarak liu foti referénsia hosi boxista internasionál sira liuliu Manny Pacquiao, nia tuku uza karuk ha’u mós uza karuk, buat ne’ebé treinadór fó ha’u kuandu utiliza iha rin-leten mak la konsege, ha’u bele utiliza tan referénsia hosi Manny Pacquiao, durante jogu iha Vietname ha’u uza”, nia dehan.

Hosi referénsia hirak ne’e, boxista selesaun nasionál Delio Mouzinho, sei hatudu prestasaun ne’ebé di’ak liu iha eventu SEA Games iha tinan ne’e.

“Ha’u rai ona iha ha’u nia fuan, SEA Games agora ha’u ba atu kompete, hatudu prestasaun la’os ba kompete de’it, fila tenke lori buat ruma la’os fila ho mamuk, ha’u promote fila tenke lori buat ruma no sei la mamuk”, Delio hateten ba Agência TATOLI iha Faról, ohin.

Nia dehan, preparitvu kona-ba treinu la’os namanas hela, treinu agora másimu liu kompra ho tinan kotuk.

“Ami nia treunamentu agora la’o másimu, ne’ebé ha’u tenke hatudu prestasaun ne’ebé di’ak”, nia revela.

Nia afirma, atu hetan vitória tenke disiplina iha buat hotu, treinamentu, han no hemu, respeitu ba treinadór, kumpre oráriu treinamentu no seluk tan.

Tanba ne’e, hanesan joven tenke envolve iha atividade desportiva, promove talentu hotu hodi hamorin nasaun iha rai-liur. Joven tenke kontribui ba estabilidade, labele kria konflitu. Uza talent ne’ebé iha hodi kontribui ba dezenvolvimentu nasaun nian.

Biodata badak

Delio A. Mouzinho “Nuhachay” moris iha loron 4 fulan fevereiru tinan 2000, iha Aldeia Tchai Suku Lore Postu Administrativu Lore, Munisípiu Lautem. Oan husi Manuel Mouzinho no Elisa Mouzinho, Oan daneen (6) husi maun alin nain hitu (7).

Boxista Nuhachay hahú tama Ensinu Bazica Filial Tchai iha tinan 2009 too 2014, kontinua tama Ensinu Bazica Central Coro-Asu de Maloru iha tinan 2015 to’o 2017, iha tinan 2018 to’o 2020 Nuhachay tama ba Ensinu Sekundariu Geral Lere Anan Timor iha Lospalos Villa Iha tinan 2021 kontinua nia estudu superior tha Dili Institute of Technology (DIT), foti área Petroleum Engineering, maibé sei iha trimester Il Nuhachay deside hapara nia estudu tanba hakarak tebes promove no dezenvolve nia kareira iha boxing.

Iha tinan 2018, Delio A. Mouzinho “Nuhachay” hahú tama iha vida boxing iha Lospalos, Lereloho no fó treinu husi Coach Elizario Dias Monteiro “Irapere. Nuhachay tuir kompetisaun dahuluk iha tinan 2019 nunka lakon iha Timor Leste.

Iha tinan 2020 Boxista ne e tama ba El-Marador Boxing Club no kontinua treinu to’o selesionadu husi Federasaun Boxing Timor Leste ba tuir Sea Games 2021 iha nasaun Vietname.

Bainhira iha SEA Games Vietname Delio konsege sai hanesan segundu lugar hodi ofrese medalla osan mutin id aba Timor – Leste no marka istoria dala uluk bainhira tuku monu Boxista hosi Kamboja monu iha rin leten no lori kedan ba ospital Vietname nian.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!