AS Marca susesu halakon Santa Cruz FC 1-0
DILI, 23 fevereiru 2023 (TATOLI) – Jogu primeiru ba segunda divizaun Liga Futeból Timor-Leste (LFTL) ne’ebé hala’o iha Estádiu Munisipál Dili kinta loraik ne’e hasoru malu entre akipa AS Marca Versus Santa Cruz FC, iha ne’ebé ekipa Marca susesu iha nia jornada hodi halakon nia adversáriu ho golu úniku 1-0.
Esforsu hotu jogadór ekipa rua ne’e halo iha kampu laran to’o kosar sai habokon kamijola ne’ebé sira hatais tan de’it hakarak ida, objetivu ida, tenke hatama golu.
Kontra atake ne’e la’o durante menutu 40 liu maibé laiha ekipa ida mak prodúz golu ruma atu fó ksolok ba sira nia adeptu ne’ebé hakilar ho lian makas iha tribun leten estádiu nian.
Jogu kompleta ona menutu 45 árbitru deside hapara jogu iha primeira parte nian ekipa rua obrigadu tenke hela de’it ho empata 0-0 tanba durante jogu, esforsu hirak ne’ebé halo hela de’it hanesan esforsu tanba la halo golu ruma.
Hakur ba primeira parte ekipa rua nafatin mantein pozisaun hodi lansa kontra no atake ba malu atu buka golu maibé forsa ba ekipa rua la diferente no la prodúz tan golu ruma.
Maibé ekipa Marca halo kontra no atake makas ba Santa Cruz nia baliza maibé suta hirak ne’ebé avansadu sira halo nunka kona iha alvu, maske seidauk kona iha alvu Marca nafatin iha esperansa atu halao jogu.
Nune’e, iha menutu 64 sorte di’ak mosu ba Marca tanba bola barullu makas iha liña Santa Cruz nia oin jogadór Ivan José (22) aproveita oportunidade hodi lansa suta halo guarda rede Santa Cruz atrapalla bola tama liubá rede laran muda kedan rezultadu ba 1-0.
Golu ne’e hanesan golu ikus ba ekipa rua tanba to’o menutu 90 termina laiha tan golu ruma mak akontese no vitória hela ba marka hodi save pontu tolu no Santa Cruz obrigadu tenke hela ho derota no pontu zero.
Eskuad Santa Cruz:
Hernanio Tilman (30), Ivan Lay (5), António Amaral (15), Rui Abel (29), Juvito Lopes (6), Bernabe Soares (18), Diamantino Lopes (8), Arcenio Amaral (21), Luis Figo (10), Juvencio Menezes (9), Moises Koliame.
Suplenete:
Cesar de Jesus (1), Braz Sarmento (23), Rui Amaral (22), Apolinario da Silva (27), Robinho da Silva (16), Rui Soares (14), Alexandre Guterres (12), Januario Cabral (7), Paul Godinho (19) no Adriano Pinto (93).
Treinadór: Moises da Silva
Eskuad AS Marca:
Yohanes Seranklau (1), Natanael Barros (16), Zaquel Moniz (96), João dos Reis (66), Janiel Fernandes (33), Ronal Gusmão (23), Filomario Mucasana (28), Teofilo Barros (9), Ivan José (22), Carol Nacimento (21), Ezaquel da Cruz.
Suplente:
Gregorio Alves (31), Carol Watila (4), Duarte do Rego (8), Marcio da Costa (13), Abel Martins (19), Rosario da Cruz (6), Claudio Faria (7), Jeronimo Freitas (10), Valendinho de Jesus (99), Armando Gouveia Leite (5) no Oktavianus Gonçalves (24).
Treinadór: Octavio da Costa
Jogu ne’e dirije hosi árbitru Francisco Pereira, juiz da liña Fernando do Rego, Jorge Sarmento no árbitru rezerva Nerio Vidigal.
Jornalista:Hortencio Sacehez
Editór : Zezito Silva
