iklan

EKONOMIA, HEADLINE, POLÍTIKA

Aprova ona Dekretu-Lei kona-ba jestaun Aeroportu Internasionál Oé-Cusse no infraestrutura sira

Aprova ona Dekretu-Lei kona-ba jestaun Aeroportu Internasionál Oé-Cusse no infraestrutura sira

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (22/03). Imajen Tatoli/Francisco Sony

DILI, 22 marsu 2023 (TATOLI) – Konsellu Ministru aprova ona Dekretu-Lei kona-ba Jestaun Aeroportu Internasionál Rejiaun Administrativa Espesiál Oé-Cusse Ambeno (RAEOA) no ba infraestrutura aeroportuáriu sira ne’ebé situa iha rejiaun ida-ne’e, aprezenta hosi Primeiru-Ministru, Taur Matan Ruak, hodi reprezenta Prezidente RAEOA, Arsénio Bano

“Diploma ne’e estabelese rejime jurídiku ba servisu públiku, jestaun, esplorasaun, manutensaun, fiskalizasaun no dezenvolvimentu infraestrutura aeroportuária iha RAEOA, tuir lejizlasaun ne’ebé vigora”, Fidélis Mangalhães hatete iha Palásiu Governu.

Nia salienta katak dekretu-lei ba ne’e importante tanba podér no prerrogativa sira kona-ba atividade no servisu inerente ba aeródromu no aeroportu iha rejiaun ne’e sei transfere ba Empreza Públika Administrasaun Aeroportu no Navegasaun Aérea Timor-Leste (ANATL, E.P.) ba RAEOA.

“Maibé ida ne’e, la inklui iha kualkér diploma atribuisaun, kompeténsia ka direitu ANATL nian, ne’ebé relasiona ho navegasaun aérea no meteorolójia aeronáutika. Rai no beins imóvel sira seluk ne’ebé tau instalasaun sira apoiu nian ba aviasaun sivíl ne’ebé lokaliza iha rejiaun sei sai parte integrante ba domíniu públiku aeroportuáriu no harii patrimóniu própriu Estadu nian destina diretamente ba RAEOA”, dehan.

Nune’e, ba kriasaun no definisaun ba servidór aeronáutiku no administrativa sira ne’ebé liga ba atividade aeroportuáriu sei sujeita ba aprovasaun Autoridade RAEOA.

Jornalista: Arminda Fonseca

Editora: Maria Auxiliadora

iklan
iklan

Leave a Reply

iklan
error: Content is protected !!