Don Virgílio Kardeál : Jesus nia prezensa iha mundu atu elimina lia falsu
DILI, 07 abril 2023 (TATOLI)—Arsebispu Don Virgiílio Kardeál do Carmo da Silva, SDB, hateten, Jesus nia prezensa mai iha mundu atu fó sasin lialoos hodi kansela liafalsu nune’e nia oferese an mate iha krus, atu ida-idak hanoin nia sala.
Nia dehan, sesta feira santa, nu’udar loron importante tanba Jesus mate iha krus tanba kasu ema-nia sala no hadomi nia ema sira. Hanesan Jesus hatan ba Pilatus nia lian ema hotu ne’ebe tuir lia loos ema ne’e rona duni nia lian. Jesus mai iha mudu atu fó sasin kona-ba Maromak hodi elimina buat falsu sira hotu. Signifika sé mak haree Jesus nia haree Maromak futar oin.
“Jesus fó sasin kona-ba ema loos, no Maromak loos, ema ne’ebé kapas fó sasin kona-ba Jesus iha ninia moris, ema ne’ebé Fiel ba identidade Jesus ninian iha nia moris. Jesus mai iha mundu atu fó sasin lialoos kona-ba Maromak. Tanba ne’e nia prezensa atu kansela lia falsu ka bosok. Katak ida ne’ebé haree Jesus nia haree Maromak ne’ebé loos,” Don Virgílio Kardeál do Carmo da Silva, SDB, hateten liuhosi nia omília iha igreja, Katedral, Dili, sesta ne’e.
Notisia relevante : Don Virgílio Kardeál : kinta-feira santa fó hanoin buat furak rua ba sarani sira
Nia dehan, ohin n’udar loron ne’ebé presiza harohan ba Nai Maromak atu tulun ema hotu hatene adora Maromak ne’ebé loos. Sé Jesus mai no hatudu revela tiha ona Maromak ne’ebé loos, tanba sá ema barak seidauk fiar, sé Jesus mak ema loos, tanba sá ema barak sei buka modelu seluk iha moris.
“Ita hotu hatene Jesus mate iha kruz, tanba hadomi ita. Ho ida ne’e husu ita hotu hanoin ita-nia sala la’o tuir lialoos ne’ebé iha basá Jesus nia prezensa hakarak elimina lia falsu,” nia dehan.
Iha selebrasaun Paixão do Senhor ka sesta feira santa ne’e, Don Virgílio mós lee sai diagnóstiku espirituál hosi Amu Papa Francisco nian.
“Sarani sira, ha’u hakarak aprezenta diagnostiku espirituál hosi Amu Papa Francisco mak hanesan, moras hirak ne’ebé perigu liu ba ita ema, katak la’os de’it moras isin ninian, maibé moras ne’ebé ita ema dalabarak lori halo buat ruma hanoin nia an de’it, nunka hetan Maromak ninia moris,” nia dehan.
Moras seluk mak Amu Papa bolu impedermental espíritual, katak ba hirak ne’ebé fuan no ulun toos hakarak atu hetan buat ne’ebé iha nia moris la importa ema hirak ne’ebé haleu nia, no seluk tan.
Nune’e, iha sesta feira santa dader, sarani sira Parólia Imaculada da Conçeicão Katedral mós halao viasakra hosi parókia tun ba Ministériu Interior tesik hosi Universidade Nasional Timor Lorosa’e (UNTL) no filafali mai iha parokia.iha parte dader halao mos ohin sarani sira hosi
Jornalista : Arminda Fonseca
Editora : Armandina Moniz
