EKONOMIA, HEADLINE

Timor-Leste sei asina akordu ho Portugal halo reabilitasaun pouzada hamutuk 12

Timor-Leste sei asina akordu ho Portugal halo reabilitasaun pouzada hamutuk 12

Asesór Espesialista Turizmu Komunitáriu iha MTKI, Manuel Vong. Imajen Tatoli/Egas Cristóvão

DILI, 01 juñu 2023 (TATOLI)—Asesór Espesialista Turizmu Komunitáriu iha Ministériu Turizmu Komérsiu no Indústria (MTKI), Manuel Vong, informa, Timor-Leste sei asina akordu ho Governu Portugal hodi halo reabilitasaun pouzada hamutuk 12 iha Timor-Leste.

“Projetu protokolu revive ne’e nia prosesu antes ne’e ita halo ona diskusaun téknika entre parte ministériu ho Embaxada Portugal atu halo reabilitasaun pouzada sira hamutuk 12 iha Timor-Leste,” Manuel Vong informa ba Agência Tatoli, iha nia knaar fatin, Farol, kinta ne’e.

Pouzada 12 ne’ebé daudaun  identifika sai hanesan prioridade hodi dezenvolve pakote turizmu ba Komunidade País ho Lian Portugés (CPLP, sigla portugés) tanba iha ona akordu ba mobilidade sidadaun sira hotu.

Notísia relevante : MTKI ho Embaixada Portugál halo kooperasaun dezenvolve pouzada sira iha TL

Pouzada sira ne’e mak hanesan pouzada Baguia, Castelo Ossu, rezidénsia Administradór Uatulari, rezidénsia Administradór Laclubar, rezidénsia Administradór Turiscai, rezidénsia Administradór Same Vila, pouzada Maubara,  rezidénsia Administradór Pante Makasar, pouzada Ataúro, pouzada Manatuto Vila no seluk tan.

“Reabilitasaun pouzada sira ne’e, nia  multiplikadór ba futuru sei fó kontribuisaun di’ak bainhira ita dezenvolve hotu ona, haree ba kustu benefísiu reabilitasaun ba pouzada sira. Ita mantein aspetu kulturál nomós kontribui ba ita-nia atrasaun turístika ne’ebé mak interesante,” nia akresenta.

Nia dehan, akordu ba projetu revive  antes ne’e Governu país rua halo ona koordenasaun no diskusaun atu asina.

“Tempu VIII Governu atu ramata ona, entaun hein IX Governu mak haree no asina projetu,” nia tenik.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!