iklan

DESPORTU, DILI, HEADLINE, INKLUZAUN SOSIÁL

Klube Brunei Darusalam kontrata ona jogadór timoroan Elias Mesquita

Klube Brunei Darusalam kontrata ona jogadór timoroan Elias Mesquita

DILI, 02 juñu 2023 (TATOLI) – Klube hosi nasaun Brunei Darusalam ho naran Kota Ranger FC selebra ona kontratu ho jogadór timoroan Elias Mesquita durante époka ida.
“Sim, klube Brunei fó ona kontratu ba ha’u”, Elias dehan ba Agência TATOLI, via media sosial WhatsApp, sesta ne’e.

Nia sente kontente bainhira hetan oportunidade ba joga iha klube internasionál, maske durante ne’e joga de’it iha rai-laran.

“Ha’u iha ona Brunei, iha klube ne’e, ha’u joga dalarua ona”, Elias dehan.

Antes ne’e, klube Brunei fó kontratu ba jogadór timoroan ne’e, Elias joga ona iha klube primeira divizaun Timor-Leste nian hanesan Lalenok United FC no Assalam FC.

Aleinde joga iha klube, Elias mós hanesan jogadór selesaun nasionál U-23 no seniór ne’ebé antes ne’e sempre reprezenta Timor-Leste ba joga iha eventu internasionál sira hanesan, Asian Football Confederation (AFC) ASEAN Football Federation (AFF), SEA Games no seluk tan.

Hosi jogu hirak ne’e hotu mak hamonu klube primeira divizaun Brunei ne’e nia-laran hodi kontrata kedan jogadór ne’e.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!