DILI, 02 juñu 2023 (TATOLI) – Market Development Facility (MDF) ho inisiativa ne’ebé hetan apoiu finanseiru hosi Governu Austrália hodi promove dezenvolvimentu ekonomia sustentavél iha Timor-Leste iha setór rua mak agrikultura no turismo. Ho ida ne’e mak MDF selebra akordu ho Asosiasaun Nain ba Hotel Timor Lorosa’e ka Owners Timor Lorosa’e (HOTL).
Country Director MDF Drew Johnson esplika, objetivu hosi asosiasaun ne’e mak atu enkoraza kresimentu sustentável membru otelaria nian liuhosi merkadoria turizmu, hasa’e asesu no konetividade mai Timor-Leste, fahe análize dadus no oportunidade formasaun iha área ospitalidade.
“Asina akordu ida ne’e ho objetivu prinsipál atu promove liután Timor-Leste hanesan destinasaun turizmu liuhusi halo kampaña merkadoria. Atividade prinsipál mak promove liután membru asosiasaun liuhosi plataforma media sosiál inklui hadia no maneja imajen no video ne’ebé bele uza ba matéria promosaun nian ultimamente bele promove Timor-Leste hanesan destinu tourismu ida”, Drew dehan ba jornalista sira iha Surikmas Dili, sesta ne’e.
Rekorda fali katak 2012, MDF hala’o koordenasaun no konesaun entre individuál, empregadór sira, Governu no organizasaun non governmentál ho objetivu prinsipál atu promove kresimentu ekonomia inkluzivu. Implemnentasaun inisiativa ida ne’e hamutuk ho Palladium parseria ho Swisscontant.
Jornalista: Hortencio Sanchez
Editór : Zezito Silva
