Aimoruk tipu rua stoke out iha farmasia SSM Bobonaro
MALIANA, 21 junu 2023 (TATOLI) – Daudaun ne’e ai-moruk konsumável ho tipu rua hanesan antikurativu paracetamól no antibiotika amocxilin stoke out ka mamuk iha farmasia Servisu Saúde Munisípál (SSM) Bobonaro nune’e provizóriu la disponivel atu halo distribuisaun ba postu no sentru saúde komunitária sira.
Xefe Programatiku saúde Munisípiu Bobonaro, Paulina de Assunao Deneire,esplika ohin kuarta loron (21/06) ne’e hetan distribuisaun aimoruk hosi Servisu Autónomo Medikámentu no Ekipamentus Saúde,institute Públiku (SAMES,I.P) rejionál Maliana,maibé barak mak la responde bazeia ba pedidu ne’ebé aprezenta.
Notisia Relevante:Aimoruk ‘’Stock out’’ iha SAMES hamutuk 19%
“Agora daudaun aimoruk stoke out iha rua, ida antikurativa hanesan paracentamól no antibiotika hanesan amocxilin no mos iha tan aimoruk ba tratamentu ema ho moras defisiensia mentál sira ne’e mos ita nia estoke iha munisípiu menus loos,” nia informa ba Jornalista sira iha edifísiu Cruz Vermelha Timor-leste, Filial Maliana, kuarta ne’e.
Konaba aimoruk esensiál sira ne’ebé mak atu fó asistensia direita ba komunidade dadaun ne’e disponivel hela, maibé nia kuantidade ladun disponivel atu halo distribuisaun ligadu ho kazu emerjensia ruma ne’ebé presiza tulun ho urjensia.
Biban ne’e Paulina husu ba komunidade sira atu pasiensia oituan hodi hein tanba daudaun ne’e parte relevante esforsu hela atu rezolve.
“Ami tenta aranja halo pedidu nafatin atu nune’e labele stoke out liu semana ida ka rua iha fasilidade saúde atu nune’e ita bele responde imediata, bainhira iha pasiente ruma mak urjente presiza aimoruk,ita tenke atende,” nia dehan.
Xefe departamentu aramazein SAMES,I.P rejionál Maliana, Luis Sequeira Bobo, konfirma SAMES labele distribui bazea ba pedidu tanba tipu aimoruk hirak ne’e stoke out iha nasionál.
“Ohin ami distribui aimoruk kuaze Item 35, stoke ne’ebé ita la atende ne’e sekitar 35 hotu, liuliu aimoruk konsumaves no aimoruk medisina balun stoke ne’e iha ne’e mos laiha, iha nasionál mos laiha tanbá ne’e ita la distribui,” nia katak.
Entertantu durante ne’e SSM Bobonaro distribui aimoruk ba fasilidade sira hamutuk hitu hanesan postu saúde kuaze 30 no sentru saúde komunitária hitu ne’ebé establesidu iha postu administrativu neen.
Notísia Relevante:SAMES: Akizisaun ba aimoruk 2023 sei iha prosesu
Jornalista: Sergio da Cruz
Editór: Evaristo Soares Martins
