iklan

EKONOMIA, HEADLINE

MTKI konklui ona distribuisaun Cesta Bázika faze daruak ba benefisiáriu 674.321

MTKI konklui ona distribuisaun Cesta Bázika faze daruak ba benefisiáriu 674.321

Ministru Turizmu Komérsiu no Indústria, José Lucas do Carmo da Silva. Imajen Tatoli/Francisco Sony

DILI, 23 juñu 2023 (TATOLI)—Ministériu Turizmu Komérsiu no Indústria (MTKI) konklui ona distribuisaun programa Cesta Bázika faze daruak ba benefisiáriu 674.321.

“Ita konklui ona Cesta Bázika no relatóriu mós hotu ona, benefisiáriu ne’ebé hetan sira-nia direitu hamutuk 674.321,” Ministru Turizmu Komérsiu no Indústria, José Lucas do Carmo da Silva, hateten ba Agência Tatoli, foin lalais ne’e.

Notísia relevante : MTKI rejista reklamente 6.512 Cesta Bázika faze daruak hosi suku haat

Hosi distribuisaun ne’e, iha reklamante maibé presiza hetan verifikasaun hosi Ministériu Administrasaun Esatatál (MAE).

“Governu ida-ne’e tempu la to’o atu haree. Ita rekomenda ba Governu foun mai bele fó prioridade ba programa ida-ne’e, haree direitu sidadaun sira maibé ida-ne’e desizaun iha sira-nia liman,” nia akresenta.

Governu liuhosi MTKI aloka orsamentu millaun $40 ba distribuisaun Cesta Bázika faze daruak iha munisípiu Ermera, Liquiça, Dili, Ataúro, Bononaro no seluk tan.

“Ita konsege ezekuta $33.716.050, restu filafali ba kofre Estadu,” nia adianta.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!