DILI, 26 jullu 2023 (TATOLI)—Polísia Imigrasaun Koreia Súl deporta ona traballadór timor-oan na’in-hitu iha semana kotuk tanba sees hosi sistema.
“Traballadór na’in-hitu ne’ebé deporta ona, tuir regra ka lei Koreia Súl nian, durante tinan-neen ka hitu sira labele tama Koreia Súl tanba sira-nia identidade rejista ona iha sistema imigrasaun ninian, ne’ebé karik sira tenta bá mós sei la tama Koreia,” Diretór Nasionál Empregu no Exteriór hosi Sekretaria Estadu Formasaun Profisionál no Empregu (SEFOPE), Filomeno Soares
Notísia relevante : Polísia Imigrasaun Koreia Súl detein tan traballadór timor-oan na’in-rua
Diretór dehan, traballadór ne’ebé hetan deporta ona sai hanesan matéria ida ba traballadór sira seluk atu disiplina no labele sees hosi sistema.
“Bainhira komete atividade ilegál no ema kaer laiha toleránsia,” nia akresenta.
Tuir dadus, traballadór timor-oan ne’ebé serbisu iha Koreia Súl hahú hosi tinan 2009 to’o agora sees hosi sistema hamutuk 1.000.
Jornalista : Arminda Fonseca
Editora : Julia Chatarina
