iklan

NASIONÁL, DESPORTU, HEADLINE

Komandu PNTL Covalima halibur reprezentante arte marsiál-rituál asegura atividade PSHT

Komandu PNTL Covalima halibur reprezentante arte marsiál-rituál asegura atividade PSHT

Komandante PNTL Covalima, Superentindente Xefe Calisto Gonzaga. Imajen/Tatoli

COVALIMA, 09 agostu 2023 (TATOLI)Komandante Polísia Nasionál Timor-Leste (PNTL) Covalima, Superentidente Xefe Calisto Gonzaga, hateten, Komandu bolu ona reprezentante kada organizasaun arte marsiál no arte rituál sira hodi apoia Polísia asegura atividade Persaudaraan Setia Hati Terate (PSHT).

“Kinta ne’e Membru PSHT prepara test jago no sesta halo graduasaun. Ha’u fó hanoin ba ita hanesan sidadaun, populasaun, ita kontribui hanoin ba ita-nia joven sira, tanba sira mak futuru nasaun nian. Timor-Leste nu’udar Estadu Direitu Demokrátiku ne’ebé iha organizasaun oin-oin. Foin lalais ha’u organiza reuniaun ho organizasaun arte marsiál, arte rituál no federasaun. Ha’u konsege halibur sira atubele hamutuk ho ha’u, sira ne’e mak hosi KORKA, IKS, KOLIMAU no seluk tan. Sira prontu ona atu hamutuk ho ha’u, kada organizasaun ida iha reprezentante na’in-lima, ne’ebé sira hamutuk na’in-60 ho ha’u hodi fó seguransa ba atividade PSHT,” Komandante PNTL Covalima informa bainhira partisipa iha atividade Sekretaria Estadu Koperativa, iha suku Maudemo, postu administrativu Tilomar, munisípiu Covalima, kuarta ne’e.

Notísia relevante : KRAM hein kalendáriu graduasaun ba membru foun PSHT

Bainhira planu ne’e implementa no iha rezultadu di’ak maka iha tempu oin mai mak bainhira organizasaun arte marsiál no rituál balun halo fali atividade seluk, maka PNTL no organizasaun sira nafatin fó seguransa no bainhira susesu mak sei konvida membru Governu responsável hodi hakat ba Covalima hodi festeza.

“Loos duni seguransa iha ita hotu nia liman, maibé ha’u mak sai autór, tanba ne’e mak sira prontu no sira konsentra hamutuk ho ha’u hodi fó seguransa ba membru PSHT sira ne’ebé atu halo graduasaun iha Manufahi to’o sira fila,” nia akresenta.

Nune’e, bainhira mosu buat ruma karik organizasaun ho organizasaun labele dun malu maibé entre pesoál ne’ebé problema, ne’ebé sei bolu de’it ida ne’ebé halo problema.

“Kuandu hetan kaer sira haruka espadim nune’e hodi haree katak nia hosi organizasaun ida ne’ebé tanba laiha organizasaun ida haruka nia membru ba halo problema no insulta malu depois halo situasaun seguransa la hakmatek,” nia subliña.

Envolvimentu membru organizasaun arte marsiál no arte rituál sira mós sei la’ós de’it ba atividade PSHT nian, maibé ba oin sei envolve no hamutuk ho Polísia iha atividade sosiál sira hanesan limpeza no apoia umanitária.

“Ha’u ko’alia ona no sira prontu hamutuk ho seguransa para depois kontribui ba ema ne’ebé presiza asisténsia umanitária no seguransa,” Komandante Polí haktuir.

Membru PSHT Covalima sei konsentra hamutuk iha munisípiu Manufahi hodi tuir graduasaun ‘pengesahan’ iha loron sesta (11/08).

Bazeia ba dadus ne’ebé asesu hosi Komisaun Reguladora Arte Marsiál (KRAM), totál ema ne’ebé sei gradua sai membru PSHT iha tinan 2023 hamutuk 10.000-resin.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!