MJ valida ona kaderneta passaporte iha Finlándia

DILI, 09 agostu 2023 (TATOLI) – Ministru Justisa Amandio de Sá Benevides, akomapaña hosi ekipa tékniku Ministériu Justisa (MJ), iha oras 09 :35, halo ona verifikasaun finál ba kaderneta passaporte nian iha Finlándia.
“Ministru Justisa Amândio de Sá Benevides, akompaña hosi ekipa téknika halo ona verifikasaun no validasaun finál ba kaderneta passaporte eletrónika Timor-Leste nian liuliu iha seguransa iha pajina interiór kaderneta eletróniku passaporte Timor-Leste nian”, Tatoli sita hosi komunikadu ofisiál ne’ebé fó sai iha kuarta ne’e.
Rekorda fali katak Ministru Justisa Amandio de Sá Benevides iha sabadu (5/8) foin lalais ne’e ho aviaun Aero Díli ba Filándia ho objetivu atu haree prosesu produsaun passaporte eletrónika Timor-Leste nian ne’ebé prodúz hosi empreza Thales iha Filandia.
Notísia relevante : Aban: MJ aranka ba Finlándia observa produsaun passaporte
MJ selebra kontratu ho Empreza Visimitra no Tales ba produsaun kaderneta passaporte
Jornalista: Natalino Costa
Editór : Zezito Silva

