Top

Ministru Benevides: Kaderneta Passaporte Eletrónika imprime ona iha Finlándia

Ministru Justisa, Amândio de Sá Benevides. Imajen Tatoli/Francisco Sony

DILI, 11 agostu 2023 (TATOLI) – Ministru Justisa Amandio de Sá Benevides halo tiha ona validasaun finál ba passaporte eletrónika Timor-Leste no fó instrusaun ba empreza Thales  Group no Visi Mitra Unip. Lda, hodi hahú halo imprensaun iha Filándia.

“Ministru Justisa halo tiha validasaun ba designada seguransa pájina interiór liuliu ba cover kaderneta eletónika passporte Timor-Leste nian tuir International Civil Aviation Organization (ICAO), ho une’e Ministru Justisa fó instrusaun ba kompañia Internasionál Thales Group no Visimitra Unip. Lda, hodi hahú halo imprensaun ba kaderneta passaporte eletrónika Timor-Leste nian iha tinan fiskál 2023”, Amndio de Sá Benevides hateten liuhosi komunikadu ne’ebé TATOLI asesu, sesta ne’e.

Iha Komunikadu ne’e mós sita katak Ministru Justisa Benevides mós halo tan validasaun finál ba dokumentu ne’ebé fó justifikasaun kona-ba mudansa iha kaderneta eletrónika Timor-Leste, hodi bele manda ba border control ba servisu imigrasaun no kontrolu fronteira nasaun hotuhotu, hodi fasilita pasajen sidadaun Timor-Leste ba nasaun sira seluk.

Nune’e mós, Jestór Departamentu produsaun Passaporte Eletrónika hosi empreza Thales Group, Estafany Borger, hateten mós hosi komunikadu ne’e katak ekipa MJ nian hosi Diresaun Jerál Servisu Rejistu Notariadu ne’ebé mai uluk iha Finlándia durante ne’e halo servisu di’ak, tanba halo kordenasaun hodi haree direta prosesu produsaun passaporte eletrónika ne’ebé agora daudaun empreza Thales halo hela iha Finlándia.

“Ministru Justisa halo ona validasaun finál katak kaderneta passaporte komum Timor-Leste nian ho kór azúl no Ministru Justisa aseita ho prototipu ida ne’e no autoriza empreza Thales halo produzaun”, nia dehan.

Iha komunikadu ne’e, Estafany Borger, afirma Empreza Thales sei halo produsaun passaporte eletrónika iha fase dahuluk tuir kontratu ne’ebé antes ne’e selebra ho Governu hamutuk 16.000.

“Kaderneta passaporte sira ne’e sei bele haruka mai Timor-Leste entre fim setembru ou outubru”, hateten hosi komunikadu ne’e.

Notísia relevante : MJ valida ona kaderneta passaporte iha Finlándia

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!