iklan

DESPORTU, BOBONARO, HEADLINE, MUNISÍPIU

AFB halo hela preparasaun ba jogu rejionál sub-17

AFB halo hela preparasaun ba jogu rejionál sub-17

Prezidente Asosiasaun Futeból Bobonaro, Domingos Gouveia Moniz. Imajen Tatoli/Sérgio da Cruz.

MALIANA, 14 agostu 2023 (TATOLI) – Prezidente Asosiasaun Futeból Bobonaro, Domingos Gouveia Moniz, hateten dadaun ne’e asosisaun halo hela preparasaun ba jogu rejionál Telkomcel-Cup sub-17 époka 2023 nian.

Nia dehan, hafoin klubu Maliana United (MU) sai kampiaun iha jogu Telkomcel Cup sub-17 foin lalais ne’e, asosiasaun orienta kedas jogadór sira halo preparasaun fíziku no tátika atubele kompete iha eventu refere.

Jogadór ne’ebé sei reprezenta munisípiu Bobonaro hamutuk na’in-28 hosi klubu vensedór MU no mós jogadór klubu balu.

“Ami-nia jogadór sira-ne’ebé sai kampiaun asosisaun tau-matan ona ba sira-nia alimentasasaun la sala loron rua tolu liubá, atu núne’e sira-nia preparasaun di’ak liután,” nia informa ba jornalista sira, iha estádiu Malibaka, Maliana.

Nia dehan, Bobonaro mós sai hanesan uma-nain ba jogu refere, tanba ne’e AFB mós halo ona manutensaun ba estádiu Malibaka, Yamato, Maliana núne’e bele utiliza ba eventu refere, ne’ebé tuir planu sei realiza iha loron 25 fulan-agostu tinan ne’e.

Notísia relevante: AFB rejista klubu 12 atu kompete iha TELKOMCEL Cup sub-17

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!