iklan

DESPORTU, BOBONARO, HEADLINE, MUNISÍPIU

AFB rejista klubu 12 atu kompete iha TELKOMCEL Cup sub-17

AFB rejista klubu 12 atu kompete iha TELKOMCEL Cup sub-17

Prezidente Asosiasaun Futeból Bobonaro, Domingos Gouveia Moniz. Imajen Tatoli/Sérgio da Cruz.

MALIANA, 24 marsu 2023 (TATOLI)-Prezidente Asosiasaun Futeból Bobonaro (AFB), Domingos Gouveia Moniz, hateten daudaun ne’e asosiasaun rejista klubu hamutuk 12 mak preparadu atu kompete iha kompetsisaun Futeból TELKOMCEL Cup sub 17 ba époka 2023.

Klubu hirak-ne’e ida mai hosi postu administrativu Cailaco no 11 maioria eziste iha kapitál Maliana.

Notísia relevante: AFB planu sei realiza jogu futébol tolu iha époka 2022

“Ita iha Maliana rejista ona klube 12, atu joga iha sub 17 mai kraik, klubu sira-ne’e ninia dokumentu tama hotu ona mai asosiasaun, ami halo ona verifikasaun, rezultadu klubu 12 ne’e liu hotu ona, maibé data rejistrasaun siedauk remata tanba jogu seidauk realiza, ne’ebé ami nafatin nakloke ba klubu sira-ne’ebé hakarak mai rejistu atu tuir jogu ne’e, sei loke to’o tecnical Metting,” Domingos ko’alia Holsa, sesta ne’e.

Kona-bá preparasaun, Gouveia dehan, iha semana kotuk asosiasaun hadi’ak no hamoos ona duut iha kampu Futeból Maliana, atu fó oportunidade ba klubu sira atu halo ezersísiu nune’e jogadór sira bele hatudu prestasaun di’ak iha eventu refere.

Nia fó-sai katak, iha loron 25 marsu ne’e Asosiasaun Fetoból Munisípiu sira sei partisipa enkontru nível nasionál ho Federasaun Futeból Timor-Leste (FFTL) hodi rona orientasaun atubele realiza jogu refere.

“Ohin asosiasaun hotu-hotu sei tún hotu ba Dili, ne’e data fiksu ne’e depois aban ami enkontru hotu mak foin bele hatene, maibé klaru katak joga TELKOMCEL Cup sub 17 ne’e sei realiza iha fulan ne’e, tanba preparasaun másimu,” nia katak.

Hafoin fila hosi Dili, Prezidente Asosiasaun Munisípiu Bobonaro ne’e sei bolu klubu hotu ne’ebé rejistadu hodi halo tecnical metting atubele hahú jogu ne’e.

Notísia relevante: AFB identifika terinadór 22 partisipa formasaun hosi FFTL

Jornálista: Sergio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!