iklan

HEADLINE, SAÚDE

Ministra Saúde ezonera Diretór Ezekutivu HNGV- SAMES, I.P

Ministra Saúde ezonera Diretór Ezekutivu HNGV- SAMES, I.P

Ministra Saúde, Elia dos Reis Amaral. Imajen/ TATOLI

DILI, 21 setembru 2023 (TATOLI) – Ministra Saúde, Élia dos Reis Amaral, deside halo ezonerasaun ba Diretór Ezekutivu Hospitál Nasionál Guido Valadares (HNGV) no Diretór Ezukutivu Servisu Autonómu Medikamentu no Ekipamentu Saúde (SAMES).

Tuir nota ne’ebé TATOLI asesu iha Jornal Repúblika, Ministra Saúde ezonera Diretór HNGV, Alito Soares ho baze ba alterasaun artigu 20, kona-ba dekretu-lei númeru 11/2012, 29 fevereiru, ne’ebé alteradu ba dekretu-lei númeru 39/2016, 14 setembru.

Hafoin ezonera, Ministra Saúde nomeia fali, Cecelia Barros Mendoça hodi ezerse nia funsaun hanesan Diretora Ezekutiva Hospitál Nasionál Guidu Valadares (HNGV). Ba mandatu tinan tolu, hahú hosi tinan 2023 to’o 2026.

Aleinde ne’e, Ministra Saúde mós ezonera Diretór Ezekutivu, Santana Martins no nomea Brigido Simão Dias, nu’udar Diretór Ezekutivu ba Insitutu Nasionál Farmasia, Pordutu no medikamentu.

Brigido Simão Dias sei asume kargu nu’udar Diretór Ezekutivu ba Insitutu Nasionál Farmasia, Produtu no medikamentu durante tinan lima.

Ezonerasaun ne’e ho baze alinea P4, númeru 1 artigu10, entre dekretu-lei númeru 57/2023, 6 setembru. MS ezonera vogál servisu autónomu, medikamentu no ekipamentu saúde, Cesarina da Costa Fernandes no Octavio Fernandes.

Jornalista: Felicidade Ximenes  

Editór : Zezito Silva

iklan
iklan

Leave a Reply

iklan
error: Content is protected !!