Top

Komandu hein despaisu ministeriál molok reativa membru PNTL reformadu

Komandante Jerál PNTL, Komisáriu Jerál Henrique da Costa. Imajen Tatoli/Egas Cristóvão

DILI, 02 outubru 2023 (TATOLI) – Komandante Jerál Polísia Nasionál Timor-Leste (PNTL), Komisáriu Jerál Polísia, Henrique da Costa, dehan maske Governu halo ona rezolusaun hodi reativa hikas membru PNTL reformadu na’in-158 maibé Komandu presiza tán baze legál balun tán hosi Ministériu Interiór molok reativa loloos membru reformadu 158 tama fali servisu hanesan baibain.

Nia dehan, Komandu seidauk bele reativa membru reformadu 158 tanba sei hein hela públikasaun iha Jornál Repúblika no despaisu hosi Ministériu Interiór nu’udar baze fundamentu ida hodi Komandu bele simu hikas membru PNTL 158 molok toma fali sira nian funsaun hanesan membru polisiál.

Nia dehan, Komandu PNTL labele ko’alia de’it iha mídia  inklui koalia iha públiku kona-ba reativa polísia reformadu nain-158, maibé laiha dokumentu legál ruma atu ka’er  para sai base ba reativa sira atu  tama  fali servisu, entaun ne’e lavale.

“Instituisaun PNTL kontrola mós hosi Ministériu Interiór, kuandu buat ruma tenke relata ba Ministru Interiór nune’e MI mak hato’o ba”, Komisáriu Jerál Polísia, Henrique da Costa hateten ba jornalista iha Komandu Jerál PNTL Caicoli,  segunda ne’e.

Tanba ne’e, polísia ne’e implementa lei no orden, kuandu baze legál ne’e iha mak polísia foin ko’alia no implementa.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!