Top

Garry Miller partilla kuadru jurídiku internasionál

Vise Ministru ba Fortalesimentu Institusionál, Paulo Manuel da S. dos Remédios. Imajen Tatoli/Egas Cristóvão

DILI, 11 outubru 2023 (TATOLI) – Vise Ministru Asuntu Fortalesimentu Institusionál, Paulo Remédios, konvida jurídiku internasionál Garry Miller, partilla kuadru jurídiku internasionál iha área tolu importante hanesan Fráude Internasionál, Erru Jurídiku no Partisipasaun Ekonómia.

Tuir nia, kuadru internásionál iha área tolu ne’e ba situasaun Timor-Leste nian. Hanesan fráude internasionál, kuandu arguidu ida komete krime fráude internsionál lori halai Estadu Timor-Leste nia osan ba rai li’ur, sá medida maka Governu halo hodi lori fila osan refere mai Timor-Leste no karik iha mekanizmu ruma, hodi submete arguidu ne’e ba Tribunál Internasionál no bele ka’er ema ne’e ka la’e.

“Ita bele ka’er sira iha estrajeiru ka lae’e, ne’e mak imporntante, entaun oradór ne’ebé mak mai ne’e nudar ema ne’ebé mak esperiénsia di’ak iha área justisa iha kudru jurídiku internsionál nian hodi esplika mekanizmu sira-ne’e ba ita-nia autór judisiáriu sira atu hatene teória no karik kazu sira-ne’e akontese iha Timor-Leste”, Paulo Remédios dehan ba jornalista sira hafoin termina workshop ho tema importánsia kuandru judisiáriu, fraude internasionál, erru judisiriu no partisipasaun ekonómia iha negósiu ne’ebé mak halo iha salaun auditóriu Ministériu Finansa, kuarta ne’e.

Nia dehan, kona-ba falansu judisiáriu dalabarak ema kestiona no lamenta katak mosu faillansu judisiáriu iha prosesu judisiáriu ida, dalabarak ema la komprende tanba sá mak mosu erru judisiáriu no krime partisipasaun ekonómia no negósiu.

“Kuandu sidadaun ida enfrenta prosesu judisiáriu ida iha Tribunál mak mosu fallansu judisiáriu, Governu iha obrigasaun atu rekoopera ema ne’e”, nia dehan.

Remedios subliña, kona-ba krime partisipasaun ekonómiku no negósiu dalabarak akontese iha membru Governu, funsionáriu públiku sira, oinsá atu prevene krime ida-ne’e iha instituisaun laran.

Tanba ne’e, Garry Miller mai esplika kuadru jurídiku inklui kuadru jurídiku internasionál sira atu autór judisiáriu sira hanesan Juiz, Prokuradór, Defensór Públiku, akadémiku, estudante no sosiadade sivil iha Timor-Leste bele komprende. Tanba krime sira ne’ebé temi ne’e la iha livru atu sosa, livru ida-ne’e Timor-Leste la iha.

Ezemplu; Englatera halo tiha ona, kuandu arguidu ida komete krime fráude internsionál no halai sai, sira lori Tribunál internasionál hodi submete ba prosesu.

“Ho nune’e workshop loron rua ne’e importante tebes atu partilla esperiénsia ba malu, karik buat balun ne’ebé nesesáriu, ita bele foti hodi fó hanoin ba Governu atu tau iha lejislasaun sira“, governante ne’e hateten.

Iha fatin hanesan, Garry Miller, hateten workshop sira hanesan importante atu ita bele partilla ba malu kona-ba mekanizmu sira krime fraúde internsionál karik akontese iha Timor-Leste, entaun saida mak Governu.

“Kuandu iha kazu sira-ne’e akontese ita tenke iha ligasaun ho orden advogadu internasionál para atu haree ida-ne’e”, nia dehan.

Iha fatin hanesan, Defensór Públiku Jerál, Cancio Xavier konsidera workshop sira hanesan importante atu bele reforsa no apoiu autór judisiáriu sira ba kombate krime sira hanesan fráude internsionál no karik mosu sá mekanizmu no medida saida mak autór judisiáriu sira atu halo.

Jornalista: Natalino Costa  

Editór : Zezito Silva

Publisidade

Leave a Reply

Latest Post

error: Content is protected !!