iklan

NASIONÁL, DILI, HEADLINE, SOSIEDADE SIVĺL

SEAK-Arte Moris selebra akordu oferese formasaun arte ba benefisiáriu 40

SEAK-Arte Moris selebra akordu oferese formasaun arte ba benefisiáriu 40

Obra hosi Grupu Arte Moris. Imajen/Espesiál.

DILI, 18 outubru 2023 (TATOLI) –Sekretáriu Estadu Arte no Kultura (SEAK), selebra ona akordu ho Asosiasaun Arte Moris atu oferese kursu arte ho gratuita ba ema na’in-40.

“Hafoin ami hetan evikasaun to’o agora ami seidauk fó kursu ba ema. Nune’e iha fulan kotuk ami asina ona akordu ida ho Sekretáriu Estadu Arte no Kultura atu re-ativa hikas kursu arte ba ema sira ne’ebé iha inisiativa atu partisipa”, dehan Prezidente Asosiasaun Arte Moris, Iliwato Dana Bere ba Agência Tatoli, iha kna’ar fatin fatin, Aitarak-Laran-Dili.

Notísia relevante: Arte Moris prepara esposizaun arte-eskultura hodi dignifika ezisténsia CAMSTL

Tuir planu Arte Moris sei loke rejistrasaun iha tempu badak ba ema hotu atu bele ba inskreve-an hodi benefisia kursu arte ne’e.

Akordu ne’ebé parte rua selebra ne’e, nia dehan Governu fó apoia fundu ho $8.500 hodi bele prepara mobiliáriu sira ba kursu arte nian hanesan meza, kadeira ho materiál hodi fasilita ba aula.

Arte Moris hanesan komunidade arte ne’ebé halibur artista sira, dezde 2003 to’o ohin loron. Tanba Arte Moris hanesan mós eskola la’ós formal, ne’ebé oferese espasu aprende artistiku nian ba públiku ho gratuitu durante iha sira-nia ezisténsia.

Arte Moris nian ezisténsia liuhósi eskola la’ós formal ne’e, lori hikas foinsa’e sira-ne’ebé hamahan an iha ne’e inklui públiku ba aprende hikas valór koletivu ka matenek orgániku hosi rezisténsia nian ne’ebé eziste iha rai-li’ur no rai-laran, ne’ebé prátika hosi Aswa’in FALINTIL no povu doben Timor-Leste hasoru kolonializmu no imperializmu iha Timor.

Valór koletivu no matenek orgániku hirak ne’e transforma liuhosi produsaun artistika hirak hanesan múzika, pintura, teatru, dadolin, ai-knanoik, eskultura, multimedia inklui halo re-invensaun ba instrumentu arte nian.

Notísia relevante: Arte Moris promove dame no konserva kultura liuhusi atividade “arte luron”

Jornalista: Jesuína Xavier

Editora    : Florencio Miranda Ximenes

iklan
iklan

Leave a Reply

iklan
error: Content is protected !!