Top

 PNTL detein ona suspeitu taa joven iha Bobonaro

Uma komunidade ne’ebé hetan sunu iha Lourba. Imajen espesiál

DILI, 06 novembru 2023 (TATOLI) ­- Komandante (PNTL) Munisípiu Bobonaro, Superintendente Xefe, António de Sá, hateten Komandu PNTL Ainaro detein ona suspeitu nain rua ne’ebé taa joven Rogerio iha Suku Carabau, Postu Administrativu Bobonaro, Munisípiu Bobonaro foin lalis ne’e.

“Suspeitu nain-rua ho insiál HP no JHS foin lalais taa joven ida iha Lourba Bobonaro no iha sábadu mai entrega ona iha Komandu PNTL Ainaro no momentu ne’ebá sira nain-rua submete kedan prosesu identifikasaun, hafoin identifikasaun suspeitu nain rua ne’e detein kedan iha Komandu PNTL Ainaro durante oras 72 hodi kontinua ba prosesu legál”,António de Sá hateten ba jornalista TATOLI via telefone, ohin.

Rekorda fali katak vítima Rogerio hetan taa hosi suspeitu nain-rua HP no JHS iha Lourba, Postu Administrtivu Bobonro, Munisípiu Bobonaro, bainhira vítima Rogerio ba tau ai-funan iha rate iha finadu kinta (2/11) foin lalais. Depois fila hosi rate mak hetan taa hosi supeitu sira.

Hafoin suspeitu nain rua halo tiha asaun hasoru vítima sira no sira halai kedan ba Munisípiu Ainaro no Komandante PNTL Bobonaro Superintedente Xefe, António de Sá komunika kedan Komandu PNTL Ainaro buka tuir kedan suspeitu nain rua ne’e.

Notísia relevante : PNTL buka tuir suspeitu ne’ebé taa joven ida iha Lourba

Jornalista: Natalino Costa 

Editór : Zezito Silva

Publisidade

Leave a Reply

Latest Post

error: Content is protected !!