BOBONARO, HEADLINE, MUNISÍPIU, SEGURANSA

Kazu Lourba-Carabau, PNTL identifika ona autór na’in-15

Kazu Lourba-Carabau, PNTL identifika ona autór na’in-15

Komandante PNTL munisípiu Bobonaro, Superintedente Xefe António de Sá Benevides. Imajen Tatoli/Sérgio da Cruz.

BOBONARO, 16 novembru 2023 (TATOLI) – Komandu Polísia Nasionál Timor-Leste (PNTL) munisípiu Bobonaro, identifika ona autór na’in-15 ne’ebé suspeita iha kazu asalta malu iha suku Lourba no suku Carabau, postu administratritvu Bobonaro, munisípiu Bobonaro iha loron 03 fulan-novembru liubá.

Komandante PNTL munisípiu Bobonaro, Superintendente Xefe António de Sá, informa, komandu munisiípiu hein hela mandadu hosi Ministériu Públiku (MP) atu kaptura  autór sira-ne’ebé suspeita envolve iha kazu ne’e.

Notísia relevenate: PNTL Bobonaro apresia atetude joven Lourba – Carabau

“Ita identifika ona kuaze 15 pessoas, ne’e la inklui sira ida kanek, kuandu sira-nia saúde rekupera ona, entaun ita sei halo identifikasaun, sira 15 nia naran provizóriu ita identifika ona ne’e, ita aprezenta ona ba Ministériu Públiku, sira fó ona delegasaun kompeténsia mandadu atu kaptura, prontu ita kontinua bolu sira kaptura hodi submete ba prosesu investigasaun,” nia ko’alia iha postu administrativu Balibo, kuarta ne’e.

Komandu PNTL Bobonaro mós halo ona investigasaun ba membru balu ne’ebé suspeita hamutuk ho grupu ida hodi tiru kanek joven suku Carabau.

Maske nune’e, Komandante PNTL Bobonaro ne’e fó-sai katak, situasaun seguransa iha suku rua ne’e la’o hakmatek hela, tanba komandu PNTL no FALINTIL-Forsa Defeza Timor-Leste (F-FDTL) kontinua destaka membru sira hodi manetin seguransa ba povu.

Nune’e mós hamutuk ho autoridade suku, joven no komunidade sira halo fali komunidade nia uma ne’ebé hetan sunu no estragu iha iha konfrontu ne’e.

Notísia relevante: FONGTIL husu PNTL kontinua investiga kazu Bobonaro ho imparsiál

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!