Top

MI konklui levantamentu dadus konstrusaun ba eskuadra PNTL iha territóriu nasionál

imajen espesiál

DILI, 21 dezembru 2023 (TATOLI) – Ministériu Interiór (MI) finaliza ona levantamentu dadus ba konstrusaun eskuadra postu Polísia Nasionál Timor-Leste iha territóriu nasionál.  

Kordenadór Enjiñeiru João Moniz dos Santos hosi MI, informa kona-ba levantamentu dadus  konstrusaun ba eskudra Postu PNTL, no  Unidade Polísia Fronteira (UPF) iha territóriu nasionál konklui ona.

“Dezeñu no BOQ ba kuartel PNTL kompletu ona, depois hetan ona verifikasaun ba Dezeñu iha Ministériu Obras Públika liuhosi Diresaun Nasionál Edifikasaun (DNE) depois ida-ne’e hein  lori  BOQ ba Ajénsia Dezenvolvimentu Nasionál Institutu Públiku (ADN, I.P.) hodi hala’o verifikasaun ba kustu Estimativu”, Kordenadór Enjiñeiru João Moniz dos Santos, hatete liuhosi komunikadu ne’ebé Agência TATOLI asesu hosi media MI, ohin.

Nia salienta tán katak prepasaun hotuhotu kompletu ona, tanba ne’e ba tinan 2024, inísiu fevereiru no marsu bainhira Prezidente Repúblika promulga Orsamentu Jerál Estadu (OJE) mak aprovizionamentu loke konkursu ba kompaña sira ne’ebé mak hakarak konkorre ba vaga refere.

“Preparasaun husi tékniku mais detallu konklui ona, konstrusaun postu sira territóriu nasionál mak hanesan postu UPF hamutuk 47, novu konstrusaun 35, postu mini integradu lima, ne’ebé sei konstrui iha Suai-Fatumea, Maliana-Memo, Balibo Cova, Oesilo no Pasabe”, hatete iha komunikadu ne’e.

Kuartél munisipál sira nia dezeñu konklui ona ho tipu A, B no C. Eskuadra munisípiu depende ba área jeográfika no natureza kada postu administrativu ida-idak. Tipu A nia dezeñu hanesan ho eskuadra Aimutin, tipu B medida nafatin maibé nia pizu hatún uituan no tipu C ho pizu ida de’it ho medida 16×24.

Jornalista: Hortencio Sanchez

Editór : Zezito Silva

Publisidade

Leave a Reply

Latest Post

error: Content is protected !!