iklan

NASIONÁL, DILI, HEADLINE, KAPITÁL

Servisu Saneamentu Dili nota volume lixu aumenta durante Natál

Servisu Saneamentu Dili nota volume lixu aumenta durante Natál

Imajen/Espesial

DILI, 27 dezembru 2023 (TATOLI) – Diretór Servisu Munisipal Água, Saniamentu no Ambiente Autoridade Munisipiu  Dili, Hermínio Moniz Ribeiro, hateten volume lixu iha kapitál aumenta hosi kada loron tonelada 240 ba tonelada 300 hahu hosi loron 22 dezembru.

“Ita haree katak normalmente Dili laran ne’e kareeta 50 mak tula lixu ba Tibar ho kada loron tonelada 240, maibé iha loron bo’ot Natal ne’e aumenta ba tonelada 300 kada loron. Ita haree volume aumenta tanba komunidade knia kapasidade kompra aumenta liuliu loja no merkadu ba konsumu iha loron bo’ot ka Natal ne’e”, Diretór  ne’e hateten ba jornalista Tatoli, iha Caicoli-Dili.

Diretór explika lixu namkari iha fatin barak tanba ema ka komunidade  la so’e iha lixu fatin liuliu iha fin de semana no loron bo’ot.

“Ami rekoñese volume lixu aumenta, entaun ami husu empreza raut lixu hodi aumenta sira nia rekursu umanu hosi haat ba neen hodi bele halo kolesaun ba lixu ba iha loron bo’ot no lojistika atu harre kondisaun karreta hodi kontinua ra’ut fo’er”, nia garante.

Empreza raut lixu kontinua raut, maíbe volume lixu mak aumenta tanba AMD halo kontratu ho empreza kada baskolante tula dalatolu de’it iha loron ida.

“AMD ba observa ona, iha fatin Taibesi, Bemori no Santa Cruz tun mai seidauk ra’ut hotu tanba tuir kontratu sira halo retajen tolu de’it no labele liu tolu loron ida”, nia afirma.

Notisia relevante: Governu rekruta pesoál 34 hamoos lixu iha kapitál Dili

Jornalista : Jesuína Xavier

Editor        :  Florencio Miranda Ximenes

iklan
iklan

Leave a Reply

iklan
error: Content is protected !!