iklan

NASIONÁL, DILI, HEADLINE, SOSIEDADE SIVĺL

Igreja Katólika seidauk simu komunikasaun ofisiál kona-bá vizita Papa Francisco

Igreja Katólika seidauk simu komunikasaun ofisiál kona-bá vizita Papa Francisco

Arsebispu Arkidioseze Metropolitana Díli, Dom Vírgilio Kardeál do Carmo da Silva, SDB. Imajen/Tatoli

DILI, 15 janeiru 2024 (TATOLI)– Arsebispu Arkedioseze Metropolitana Dili, Don Virgílio Kardeál do Carmo da Silva, informa, Igreja Katolika iha Timor-Leste seiduak simu komunikasaun ka informasaun ofisiál hosi Vaticano, kona-bá vizita Amu Papa Francisco atu mai vizita Timor-Leste iha tinan ne’e.

“Maske iha duni públikasaun hosi média internasionál balun fó sai duni informasaun kona-bá Amu Papa nia vizita ba nasaun seluk inklui Timor-Leste, maibé  to’o agora seidauk iha komunikasaun ofisiál ne’ebé simu hosi konferénsia episkopál Timorense”, informa Don Vírgílio Kardeál ba Agência TATOLI iha sede Episkopál-Lecidere, Dili.

Lider Igreja Katólika Timor-Leste ne’e dehan bainhira iha komunikasaun ofisiál Papa Francisco mai vizita sarani katólika iha Timor-Leste, mak sei fó sai informasaun ba sarani sira no halo kooperasaun ho parte Governu atu simu.

Nune’e, Don Virgílio dehan daudaun ne’e seidauk bele dehan buat ida kona-bá vizita ne’e tanba seidauk informasaun ofisiál ne’ebé fó sai hosi Vaticani mai Igreja timorense.

Maibé iha momentu ne’e, Arsebispu Arkedioseze Metropolitana Dili husu ba sarani no ema hotu nia orasaun atu Papa bele vizita duni Timor-Leste.

“Ita hotu reza atu bele akontese vizita Amu Papa mai Timor-Leste”, katak Kardeál Timorense ne’e.

Entretantu, iha tinan 2021, Aktuál Prezidente Repúblika no Laureadu Prémiu Nobel ba Pás, José Ramos Horta, halo enkontru formál ho Santo Padre Francisco iha Basílica São Pedro, Vaticano tanba sai ekipa júri ba prémiu Zayed ba Fraternidade Umana.

Hafoin fila hosi Vaticano, Ramos Horta informa, Amu Papa konfirmadu atu vizita Timor-Leste iha tinan 2022, maibé la kosege mai tanba pandemia COVID-19.

Notísia relevante: Xanana Husu Vatikanu Reza Ba Povu Timor-Leste

Jornalista: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!