JUSTISA, HEADLINE

Suspeita iha irregularidade emisaun Passaporte rihun 16 iha faze dahuluk

Suspeita iha irregularidade emisaun Passaporte rihun 16 iha faze dahuluk

Passaporte eletróniku komún kór me’an no diplomata kór metan. Foto/espesiál.

DILI, 26 janeiru 2024 (TATOLI) – Ministru Justisa iha ezersísiu, Paulo Manuel Remédios, suspeita mosu iregularidade iha Diresaun Jerál Servisu Rejistu Notariadu (DGSRN), iha períodu atendimentu ba Kaderneta Passaporte 16.000 ne’ebé mai uluk iha faze dahuluk.

Tanba ne’e, ministru orienta ona Polísia Sientífika Investigasaun Kriminál (PCIC, sigla portugés) atu halo investigasaun klean ba asuntu ida-ne’e. atendimentu ne’e suspeita tanba Kaderneta Passaporte 16.000 iha faze dahuluk hotu lalais no konsidera funsionáriu iha notariadu mak fasilita ema no maske ema halo ona pagamentu maibé na’in hosi Passaporte to’o agora seidauk simu ninian no seluk tan.

Notísia relevante : Hein tan Kaderneta Passaporte rihun 57 tanba faze dahuluk hotu

“Ita simu katak mosu irregularidade iha prosesu emisaun ba Passaporte. Ministériu Justisa simu tiha ona ida-ne’e no Primeiru-Ministru fó tiha orientasaun ba ha’u katak tenke haree situasaun ida-ne’e ho di’ak no labele mosu faillansu, karik mosu fallansu mak ha’u mak responsabliza”, Paulo hateten ba jornalista sira iha nia kna’ar fatin Colmera, sesta ne’e.

Nia afirma, bainhira PCIC halo investigasaun maki ha duni irregularidade iha atendimentu Passaporte maka funsifonáriu sira ne’ebé komete aktu ida-ne’e sei sai hosi funsionáriu.

Nia adianta, PCIC nia investigasaun mak deteta funsionáriu notariadu mak komete irregularidade iha prosesu atendimentu mak PCIC sei ba ka’er tuir lei haruka.

Notísia relevante: Passaporte 20.650 ‘’Chega’’ Dili sei atende ho online, munisípiu seidauk

Timor-Leste simu tán Passaporte rihun 15

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!