iklan

JUSTISA, HEADLINE

Xefe Estadu husu MJ foun kria kondisaun dezenvolve setór justisa

Xefe Estadu husu MJ foun kria kondisaun dezenvolve setór justisa

Prezidente Repúblika, José Ramos-Horta fó pose Ministru Justisa foun, Sergio de Jesus Fernandes da Costa Hornai, iha Palásiu Prezidensiál, Bairru-Pité, kinta (15/02). Imajen Tatoli/Egas Cristóvão

DILI, 15 fevereiru 2024 (TATOLI) – Prezidente Repúblika, José Ramos Horta, husu Ministru Justisa (MJ) foun, Sergio Hornai, atu kria kondisaun dignu hodi dezenvolve setór justisa iha Timor-Leste.

“Papél Ministru Justisa nian atu kria kondisaun di’ak atu dezenvolve setór justisa,” Horta hateten, bainhira fó pose ba MJ foun iha Palásiu Prezidensiál, Dili, kinta ne’e.

 

Nia dehan, papél MJ nian atu poiu mós ba nesesidade hotu iha servisu administrasaun públika, finansiamentu, infraestrutura no seluktan.

 

Nune’e tau mós atensaun ba servisu defensoria públika bainhira povu kbiit laek sira hetan julgamentu ne’ebé la justu defensoria públika tenke haree buka justisa ne’ebé justu.

 

“Ministru joven ida ne’ebé iha esperiénsia kona-ba servisu justisa nian, uluk hanesan Defensór Públiku, lidera mós instituisaun Komisaun Anti Korupsaun (KAK). Fiar katak Ministru sei servisu ho di’ak tau atensaun liu ba defensoria públiku hodi defende povu kbiit la’ek sira bainhira iha julgamentu ne’ebé la justu, presiza defensoria públiku sira nia tulun,” Prezidente Horta hateten.

 

Biografia badak (Sergio Hornai)

 

Naran kumpletu : Sergio de Jesus Fernandes da Costa Hornai

Loron moris: Lospalos, 21 novembru 1974

Hela fatin atuál: Aimutin/ Comoro /Dili

Abitasaun Literária: Lisensiatura Direitu

 

Esperiénsia Traballu
Defensór Públiku dezde tinan 2000 Pozisaun: Defensór Públiku Jerál Prezidente Konsellu Superiór Defensoria Públika Timor-Leste Komisáriu KAK iha tinan 2019.

 

Atividade sira seluk

Prezidente ba Asosiasaun estudante iha Bali 1997-1999. Membru Responsável RENETIL 1994-1999.

 

Partisipa Formasaun Asosiasaun iha Austrália iha tinan 2000 nune’e partisipa mós Formasaun judisiária balun iha Lisboa, Portugal, iha tinan 2001. Formasaun sentru Jurídiku Timor-Leste iha tinan 2004- 2017.

 

Partisipa kursu Aperfeisoamentu materiál Direito e cívil. Membru triajen PNTL, setembru 2016-2017. Membru Komisaun Nasionál Eleisaun 2013.

 

Notísia relevante:Sergio Hornai sei simu posse, kinta-feira, asume Ministru Justisa

 

Jornalista: Hortencio Sanchez

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!