iklan

EDUKASAUN

ANAAA halo lansamentu akreditasaun institusionál no programatika 2024

ANAAA halo lansamentu akreditasaun institusionál no programatika 2024

Diretór-Ezekutivu ANAAA, Nilton Diamantino Paiva Mau. Imajen TATOLI/Egas Cristóvão

DILI, 22 marsu 2024 (TATOLI)–Diretór Ezekutivu Ajénsia Nasionál Avaliasaun Akreditasaun Akadémika, Institutu Públiku (ANAAA, IP), Nilton Diamantino Paiva, hateten ohin (sesta, 22 marsu 2024) ANAAA halo lansamentu ba akreditasaun instituisaun no programátika, ba Instituisaun Ensinu Superior (IES) neen (6).

Notísia Relevante: Fulan oin, ANAAA hahú halo avaliasaun no akreditasaun ba instituisaun ualu

“Tinan ne’e, ANAAA sei halo akreditasaun ba instituisaun neen (6) no programa 32. Instituisaun neen (6) ne´e, iha instituisun ida (1) ne´ebé atu akredita mak UCT no reakredita iha lima (5)  mak Universidade de Dili (UNDIL), Universidade Oriental Timor Lorosa’e (UNITAL), Instituto Católica para Formação de Professores (ICFP), Institutu Superiór de Filosofia e de Teologia (ISFIT), East Timor Coffee Institute (ETCI),” Diretór ANAAA ne´e hateten ba Agencia Tatoli, hafoin ANAAA halo lansamentu ba akreditasaun instituisaun no programa 32, iha Sentru Kultura Indonezia (PBI, sigla Indonézia), iha Mascarenhas, sesta ne’e.

Nia hateten, programa hitu hosi Universidade Nacional Timor Lorosa’e (UNTL) nian, Universidade da Paz (UNPAZ) iha programa rua, UNITAL ho programa ida, Institutu Superiór Cristal (ISC) ho programa lima no IPB iha rua no Instituto Ciência Saúde (ICS) iha programa ida.

“Tanba ne’e mak ohin ami konvida magnifika reitór sira hosi instituisaun 19, tantu privadu no públiku. Ami mós sei konvida hotu ida-ne’ebé la hetan akreditasaun, hodi kontinua ona halo preparasaun akreditasaun hahú fulan-junu to’o outubru 2024,” nia dehan.

Tanba ne´e, nia husu Institutu Ensinu Superiór (IES) sira-ne’ebé seidauk hetan akreditasaun tenke melloria kualidade aprendizajen, peskiza no servisu komunitária liuhosi kurríkulu.

“Ba Institutu Ensinu Superiór ne’ebé seidauk hetan akreditasaun ne’e nafatin prepara didi’ak, bainhira ANAAA tun ne e bele aprezenta progresu kualidade. Kualidade ne’e ita tenke melloria hosi ita-nia preparasaun tanba timoroan ne’ebé fó fiar hela ba ita, ne’e hein hela kualidade. Ba sira-ne’ebé hetan akreditasaun ne’e, nafatin melloria kualidade liuhosi aprendizajen, peskiza no servisu komunitária liuhosi sira-nia kurikulu ne’ebé di’ak, prosesu aprendizajen di’ak no servisu iha komunidade di’ak atu bele garante kualidade,” nia dehan.

Iha Instituisaun Ensinu Superiór hamutuk 19 maibe instituisaun 17 hetan ona akreditasaun no rua ne´ebé seidauk akredita mak Instituisaun Universidade Naroman Esperança (IUNE) Lauala, munisípiu Ermera nian no UCT, maibé UCT tinan ne e hetan ona akreditasaun no hela IUNE.

Instituisaun Universidade Naroman Esperança (IUNE) Lauala seidauk be;e hetan akreditasaun tanba IUNE ne’e foin hetan lisensa operasionál ne’ebé Ministériu Ensinu Superiór Siénsia no Kultura (MESSK), prazu hotu mak ANAAA foin fó akreditasaun iha tinan oin.

Notísia Relevante: ANAAA halo ona avaliasaun-akreditasaun ba kursu 30

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!