iklan

EDUKASAUN, DILI

Kameli Timor International School hala’o asaun karidade ba família 25

Kameli Timor International School hala’o asaun karidade ba família 25

Eskola Kameli Timor International School, Rini Fatmawati Alves da Cruz. Imajen Tatoli/Francisco Sony

DILI, 22 marsu 2024 (TATOLI)—Diretora Kameli Timor International School, Rini Alves da Cruz, hateten eskola ne´e hala’o asaun karidade ba agregadu família hamutuk na´in-25 iha suku Comoro, postu administrativu Dom Aleixo, munisípiu Dili.

“Ha´u hanoin kona-ba asaun karidade ne’ebé mak eskola hala’o, ida-ne’e la’ós programa derrepente de’it, maibé tama ona ekstra kurikulér. Tanba tinatinan ami sempre halo asaun ida-ne’e,” nia hateten ba Agência Tatoli, iha resintu eskola Kameli, Comoro, sesta ne´e.

Asaun karidade ne’ebé eskola realiza, la’ós de’it hodi hatuda katak eskola iha nesesidade bázika ne´ebé barak maibé hakarak eduka labarik sira atu sira bele hatene saida mak karidade.

“Karidade la’ós hala’o de’it domin maibé tenke hala’o mós ho asaun no ita haree liuliu ba maluk sira-ne’ebé presiza tulun hosi ita. Ida-ne’e mak ami-nia objetivu atu halo asaun karidade. Hodi eskola nia naran hato’o agradesimentu ba inan-aman sira-nia apoiu liuhusi sásan, atubele realiza ami-nia programa ho di’ak,” nia hateten.

Sasán nesesidade bázika sira-ne’ebe eskola fó ba família hirak-ne’e mak hanesan supermie, mina, sabaun, rinso, foos no selu-seluk tan.

Reprezentante família, Marta Araujo Dias, hakarak agradese ba eskola Aikameli ne’ebé oferese ona nesesidade bázika ba nia.

“Ami agradese ba nesesidade bázika ne’ebé Eskola Aikameli oferese ona,” nia dehan.

Jornalista : Osória Marques

Editór         : Cancio Ximenes

iklan
iklan

Leave a Reply

iklan
error: Content is protected !!