iklan

EDUKASAUN, HEADLINE

Progresu konstrusaun eskola foun sia iha Ainaro atinje ona 75%

Progresu konstrusaun eskola foun sia iha Ainaro atinje ona 75%

Mapa munisípiu Ainaro. Infografia/Octávio Guterres

DILI, 08 maiu 2024 (TATOLI)–Diretór Edukasaun munisípiu Ainaro, Patrício da Costa Magno, informa, progresu konstrusaun eskola foun sia iha postu sira, ne’ebé konstrui iha janeiru 2024 atinje ona 75%.

“Ita hein tan 25% atubele finaliza konstrusaun ba eskola sia ne’e,” Diretór informa ba Agência Tatoli, iha edifísiu Ministériu Edukasaun, Vila Verde, kinta ne’e.

Eskola sia ne’ebé halo hela konstrusaun foun ne’e mak hanesan pre-eskolár rua, restante ensinu báziku.

Eskola sia mak hanesan Pre-Eskolár Maubisse Vila, Pre-Eskolár Carreta Fatin, Eskola Ensinu Bázika Sentrál (EBC, sigla portugés) 04 Montanha, EBC 05 de Setembro Kasa, Eskola Ensinu Báziku Filiál (EBF) Luro, EBF Pader, EBF Maulefo, Pre-Eskolár Mane Lobat, no EBF Ahimata.

“Agora hein taka kalen, nahe azuleju, no pinta de’it, ne’e ita bele finaliza no entrega hodi uza,” nia  akresenta.

Notísia relevante : Konstrusaun Eskola 5 de Maio Becora atinje ona 50%

Molok foti osan, parte rua hala’o enkontru no husu atu aselera obra ne’e, nune’e bele halais konstrusaun eskola, “espera iha fulan-agostu no setembru tinan ne’e bele finaliza ona.”

Konstrusaun eskola  hahú iha janeiru 2024, ne’ebé ninia kustu ba obra kontrusaun iha kada eskola depende ba kondisaun, sala tolu nia kustu $80.000, enkuantu inklui ho haris fatin ho kustu $100.000-resin.

Jornalista     : Osória Marques

Editora          : Julia Chatarina

iklan
iklan

Leave a Reply

iklan
error: Content is protected !!