Top

PNUD lansa relatóriu rejionál “Harii Ita-Nia Futuru” ba dezenvolvimentu umanu

Prezidente Repúblika, Jose Ramos-Horta hasai foto hamutuk iha lansamentu relatóriu kona-bá dezenvolvimentu Umanu. Iha salau auditorimu Arkivu Múzeum Rezisténsia Timor-Leste (AMRT) Dili, segunda (27/05). Imajen Tatoli/Egas Cristóvão

DILI, 27 maiu 2024 (TATOLI) – Programa Nasoins Unidas ba Dezenvolvimentu (PNUD) lansa relatóriu rejionál dezenvolvimentu umanu prinsipál 2024 ba Ázia no Paísifiku ne’ebé realiza iha Muzeu Rezisténsia, Dili.

Relatóriu ne’e, ho títulu “Harii Ita-Nia Futuru: Diresaun Foun ba Dezenvolvimentu Umanu iha Ázia no Paísifiku”.

Relatóriu ne’e lansa direta husi Prezidente Repúblika, José Ramos Horta, hamutuk ho ofisiál sira husi Governu, inklui Ministru Justisa, Sérgio Hornai no reprezentante sira husi lideransa Sosiedade Sivil.

Durante diskursu,  Prezidente Horta hatete prioridade prinsipál sira, reforsa importánsia kansela debe ba nasaun sira ne’ebé dezenvolve hela no husu nasaun riku sira atu hasa’e apoiu internasionál ba 1% GDP.

“Asesu ba bee-moos ne’e diretu umanu fundamentál no fatór kritiku ba progresu dezenvolvimentu umanu,” Prezidente Horta tenik.

Relatóriu ne’e esplika, inovativu sira husi relatoriu ne’e, inklui liga ba prioridade dezenvolvimentu umanu, reforsa seguransa umanu, no interese salva-guarda jenerasaun futturu sira.

Proposta mós rekalibradu modelu kreximentu sira atu hasa’e mobilidade no oportunidade ekonómika ba ema hotu-hotu.

Tuir liña jerál husi relatoriu, rejiaun Ázia-Pasífiku hanesan pioneira inovasaun sira iha dezenvolvimentu umanu, maibé sei hasoru dezafiu boot sira hanesan desigualidade, presaun ambientál no disrupsaun sira ne’ebé ameasa atu impede progresu.

Liuhusi prioritiza asuntu hirak ne’e no negosia solusaun estratéjika, relatóriu ne’e argumenta katak nasaun sira bele revigora “hasa’e ho modelu espirál” ka hasa’e neneik prosperidade no seguransa ba ema hotu-hotu.

Jornalista: Hortencio Sanchez

Editór: Florencio Miranda Ximenes

Publisidade

Leave a Reply

Latest Post

error: Content is protected !!