iklan

BOBONARO, MUNISÍPIU

Estrada iha Oe-leu haterus komunidade viajen Maliana-Bobonaro

Estrada iha Oe-leu haterus komunidade viajen Maliana-Bobonaro

Kondisaun atuál estrada iha área Hol-lak, Ilibole, suku Oe-leu, postu administrativu Bobonaro, munisípiu Bobonaro, hafoin akontese udan kuarta (29/05) ne'e. Imajen Tatoli/Sérgio da Cruz.

BOBONARO, 30 maiu 2024 (TATOLI)-Hafoin akontese udan iga loron-kuarta tuku 16:00 ne’e rezulta estrada iha área Hol-lak, Ilibole, suku Oe-leu, nakonu ho tahu dodok no kois hodi haterus komunidade sira-ne’ebé viajen ho transporte públiku no privada husi diresaun Maliana Vila ba postu administrativu Bobonaro no Lolotoe.

Komunidade Martinho Godinho Moniz, informa estrada iha área ne’e tinan-tinan bainhira udan sempre akontese motorizada ho karreta patina to’o rezulta engrafamentu.

Kondisaun atuál estrada iha área Hol-lak, Ilibole, suku Oe-leu, postu administrativu Bobonaro, munisípiu Bobonaro, hafoin akontese udan kuarta (29/05) ne’e. Imajen Tatoli/Sérgio da Cruz.

Nia hatutan, durante ne’e governu no emprezáriu balu sempre fakar rai-henek no fatuk halo normalizasaun hodi fasilita movimentasaun públiku, maibé la kleur udan monu rai hetan estragus fila-fali, tanba laiha bee-dalan.

Notisia relevante: Kondisaun estrada Oe-Leu iha tempu udan grave

“Nia tempu udan ne’e araska, udan-boot mai karreta sira tenke ser para hotu, tenke ser tún ba mota-ku’ak, ne’ebé estadu tenke tau matan estrada ne’e husi Suai, Bobonaro vila, Loloto’e ne’e jalur mak ida-ne’e de’it,” nia hateten.

Xefe suku Atuaben, Januário Fernandes, reforsa kondisaun estrada ne’e sempre levanta ba autoridade munisipál atu hato’o ba governu sentrál hodi rezolve, maibé to’o agora laiha rezultadu.

Nia rekomenda ba governu atu tau iha planu prioridade tinan 2025 hodi solusiona, nune’e bele fasilita movimentasaun públiku.

“Estrada ida ne’e durante ha’u-nia mandatu ba períodu daruak ona, hasoru problema boot,” nia hateten.

Enkuantu estrada ne’e liga mós husi kapitál Maliana ba postu administrativu Atabae, liga mós ba munisípiu Ermera no Covalima.

Notisia relevante: Estrada iha Oe-leu difikulta movimentu transporte Maliana-Bobonaro
Jornalista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!