BAUCAU, HEADLINE, MUNISÍPIU, SEGURANSA

PNTL Baucau bandu komboiu akompaña mate-isin

PNTL Baucau bandu komboiu akompaña mate-isin

Komandante PNTL Munisípiu Baucau, Superintendente Xefe, Antoninho Mauluta. Imajen Agência TATOLI/Natalino Belo.

BAUCAU, 31 maiu 2024 (TATOLI) – Komandu Polísia Nasionál Timor-Leste (PNTL) munisípiu Baucau liuhusi enkontru ho líder organizasaun arte-marsiál (OAM) deside bandu joven halo komboiu motorista hodi akompaña ambulánsia bainhira transporta mate-isin.

Komandante PNTL Baucau, Superintendente Xefe Antoninho Mauluta, esplika, desizaun referida fó-sai tanba mosu akontesimentu konfrontu entre joven iha Baucau relasiona ho komboiu motorizada hodi akompaña mate-isin iha loron-kuarta, 29 maiu.

“Hau hatete ba oin saida mak ko’alia ona ami sei halo. Ami la tolera, sé mate ruma mai karik estrada tenke fuik, ami hetan ema ruma iha dalan fó avizu mak la kumpri ami atua kedas,” Komandante PNTL Munisípiu Baucau hateten iha Vila Nova, Sesta ne’e.

PNTL Baucau realiza enkontru karáter urjénsia ho líder OAM sira hanesan parte prevensaun kazu konfrontu entre joveb sira-ne’ebé envolve membru OAM ne’ebé hamosu perturbasaun orden públiku iha munisípiu Baucau.

Iha enkontru referida OAM prontu kolabora no rekomenda ba PNTL bainhira halo atuasaun foka ba pesoál tanba atualmente organizasaun arte-marsiál iha períodu suspensaun hela.

“Organizasaun labele boot liu instituisaun Estadu, nunee kualkér situasaun PNTL atua de’it,” Antoninho Mauluta akresenta.

Komando PNTL Munisípiu Baucau fo-sai ona orden ba ekipa Task Force atu halo operasaun ba membru arte-marsiál no rituál balun sei laiha tán komboiu bainhira família ruma mate.

Notísia relevante: Konfrontu iha Baucau estraga komunidade nia uma no ema na’in-rua kanek

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!