iklan

NASIONÁL, DESPORTU, DILI, HEADLINE

AS Kantada falla rekolla pontu tolu husi Relay FC

AS Kantada falla rekolla pontu tolu husi Relay FC

Jogu Futebol Kopa FFTL 2024, Relay Laleia FC kontra AS Kantada, iha estadiun Munisípal Dili, sesta (07/06). Imajen Tatoli/Francisco Sony

DILI, 07 juñu 2024 (TATOLI)– Ekipa AS Kantada falla hadau pontu tolu iha jogu kopa Federasaun Futeból Timor-Leste (FFTL) bainhira derrota 1-2 kontra Relay FC iha faze grupu. Jogu ba ekipa rua ne’e realiza iha Estádiu Munisipál Dili, sesta lokoraik.

Bainhira jogu la’o ekipa rua lansa kedan kontra no atake ba malu tuir tékniku no abilidade ekipa idaidak nian nune’e buka vitória bainhira prodús golu.

Ho tensaun jogu ne’ebé aas iha minutu 6 de’it jogadór Relay José Pereira lansa ona golu primeiru hodi muda rezultadu husi 0-0 ba 1-0. Golu ne’e halo Kantada tenke servisu maka’as nune’e halo empata jogu ne’e.

Ho formatu extraordinariu ne’ebé Relay iha halo susar Kantada atu prodús golu tuir nia hakarak. Oportunidade barak mak jogadór Kantada lansa maibé ikus la ezekuta ho di’ak falla no la kona iha albu.

Jogu Futebol Kopa FFTL 2024, Relay Laleia FC kontra AS Kantada, iha estadiun Munisípal Dili, sesta (07/06). Imajen Tatoli/Francisco Sony

Relay nafatin hatudu prestasaun di’ak iha kampo laran ho ambisaun hakarak manán jogu ne’e. Maske armada Kantada halo blokeia metin iha lina defeza maibé jogadór Relay utiliza meiu hotu nune’e bele sobu defeza Kantada.

Ho estratejia jogu ne’ebé iha, ikus iha minutu 38 Relay sobu duni defeza Kantada liu husi jogadór Samuel da Cruz lansa tan golu ida lori kedan rezultadu semo ba 2-0.

Kantada sente la seguru, tanba ainsorin iha ona derrota, maibé jogadór sira nafatin iha vontade ne’ebé boot nafatin hatudu jogu ho bonitu maske seidauk prodús golu.

Ho atake hotu laiha rezultadu nune’e jogu primeira parte termina vitoria provijoriu hela ba Relay no jogadór sira tenke deskansa tia minutu 15 hafoin kontinua ba segunda parte.

Segunda parte jogu la’o hikas jogadór ekipa rua kontinua lansa atake ne’ebé maka’as ba malu. Ksntada iha ambisaun maka’as oinsa halo empata jogu ne’e maibé Relay la fó fatin.

Relay mós iha ambisaun ne’ebé maka’as atu aumenta golu maibé la konsege tanba Kantada halo blokeia metin iha lina defeza.

Esforsu hotu Kantada halo la hela de’it hanesan esforsu tanba iha minutu jogadór Pascoal Fernandes responde duni golu ida muda rezultadu ba 1-2. Golu ne’e halo Relay sente la hakmatek tanba rezultadu mihis de’it ona.

Tanba ne’e, Relay tenke hala’o jogu ho defensivu maka’as to’o minutu normal jogu termina nia bele manán jogu ne’e. Servisu ne’ebé Relay halo la hela de’it hanesan servisu tanba la fó fatin ba Kantada halo golu ikus jogu termina vitoria hela ba Relay hodi rekolla pontu tolu.

Husi rezultadu ne’e lori Relay rekolla ona pontu haat husi jogu dala rua iha grupu A, nune’e Relay okupa iha pozisaun segundu tabela klasifikasaun provijoriu, enkuantu DIT FC iha pozisaun primeiru ho pontu haat no Kantada iha pozisaun terseiru ho pontu tolu no Nature FC okupa pozisaun ikus ho pontu zero.

Notísia relevante:Coach Eleven ‘tebe sai’ Naimeco FC ho rezultadu 4-1 iha kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!