iklan

EDUKASAUN, HEADLINE, MUNISÍPIU, OÉ-CUSSE (RAEOA)

Embaixadór Índia observa Sentru TIC haat iha Oé-Cusse

Embaixadór Índia observa Sentru TIC haat iha Oé-Cusse

Embaixadór Índia, Sandeep Chakravorty, observa sentru Teknolojia Informasaun no Komunikasaun haat iha Oé-Cusse. Imajen Tatoli/Abílio Elo Nini.

OÉ-CUSSE, 18 juñu 2024 (TATOLI) – Embaixadór Índia mai Timor-Leste no Indonézia, Sandeep Chakravorty, segunda ohin observa Sentru Teknolojia Informasaun no Komunikasaun (TIC, sigla portugés) haat iha Rehiaun Administrativa Espesiál Oé-Cusse Ambeno (RAEOA).

Sentru haat ne’e Governu Índia mak apoia no implementa husi Ajénsia Internasionál United Nation Development Programme (UNDP), mak Eskola Bázika Sentrál (EBC, sigla portugés) Aenmat, Eskola Sekundária Jerál (ESG) Baqui, Eskola Tékniku Agrikultura Oé-Cusse (ETARO) no laboratóriu Robotika iha Eskola Tékniku Vokasionál (ETV) Palaban.

“Ohin ami mai observa sentru haat ne’e, tanba  durante ne’e hetan apoia husi Governu Índia, no implementasaun husi UNDP, iha Oé-Cusse ne’e, ha’u orgullu tanba hatudu progresu ba nesesidade,” Sandeep Chakravorty, ba jonalista sira iha Oé-Cusse.

Notísia relevante: Embaixadór Índia aprezenta karta kredensiál ba PR

Diplomata  indianu ne’e, informa, apoia ne’e iha 2019 alvu ba eskola 10 iha Oé-Cusse, hetan benefísiu direita, mak hanesan ba Téknolojia Informasaun no Komunikasaun iha haat, EBC-Aenmat, ESG Baqui, ETARO no ESG-Oesilo.

Nune’e mós ba sentru laboratóriu Robotika haat, ETV Palaban, eskola CAFE, eskola sekundária Katólika Oé-Cusse  no EBC-Padiae, no kompleta mós laboratóriu movel iha karreta rua (2).

“Nia implementasaun ne’e termina ona 2021, depois Autoridade RAEOA mak tau matan, tan ne’e mak ohin ha’u mai haree direta rezultadu fó duni benefísiu ba eskola sira atu uza ba kapasitasaun,” nia informa.

Sekretáriu Rejionál Edukasaun no Asuntu Sosiál, Inácia Tamele, informa, durante ne’e estudante sira aprende ona programa microsoft work, power point, excel, internet no balu hakat ona ba kreativu edita fotografia.

“Iha ha’u-nia mandatu kontinua de’it saida mak iha, karik ami-nia apoia mak fornese de’it formasaun tanba, ha’u-nia ekipa sira preparadu ona atu fasilita formasaun ba profesór no estudante sira, ohin ami haree fasilidade balu la funsioa ona, ida-ne’e ami buka meiu, atu hadi’a, tanba ohin estudante no profesór sira informa katak, sira kontente atu aprende,” nia informa.

Notísia relevante: Índia prontu apoiu TL nia dezenvolvimentu iha múltiplu setór

Entretantu, durante vizita ofisiál ne’e akompaña husi Diretór Nasionál Ensinu Sekundáriu iha Ministériu Edukasaun, Deolindo da Cruz, Komandante PNTL Oé-Cusse, Superintendente Polísia, Nicolau Francelino da Costa, profesór no estudante sira.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!