iklan

JUSTISA, HEADLINE

Ministériu Justisa averigua oknum PCIC suspeita intelijénsia ba Filipina

Ministériu Justisa averigua oknum PCIC suspeita intelijénsia ba Filipina

Ministru Justisa, Sergio Hornai.Foto Tatoli/Antonio Daciparu

DILI, 18 juñu 2024 (TATOLI) – Ministériu Justisa halo ona averiguasaun ba oknum Polísia Sientífika Investigasaun Kriminál (PCIC, sigla portugés) ne’ebé suspeita sai intelijénsia ba Filipina hodi fasilita imajen no video hodi publika iha kanál televizaun Filipina.

Autoridade timorense suspeita oknum refere tanba uza drone hodi kaptura imajen no video iha rezidénsia Fuzitivu Arnalfo iha Metiaut, hafoin Departamentu Investigasaun Kriminál Nasionál ezekuta mandadu judisiál hodi detein fila fali Arnolfo iha segunda (10/6/2024).

“Sé autoridade judisiáriu sira mak halo hanesan ne’e, nia iha koñesimentu mak halo publisidade sira hanesan ne’e tenke halo medida ba nia, tanba ne’e violasaun. Por enkuantu ha’u fó ona orientasaun ba responsavél tutela PCIC atu dirije halo averiguasaun ba kazu ida-ne’e, para ita bele hatene no sira bele fó informasaun liuhosi relatóriu interkalár sira, atu nune’e ita bele hatene serteza hosi informsasaun ida-ne’e ho nia verasidade”, Sergio Hornai hateten ba jornalista sira hafoin enkontru ho Komandate Jerál no Segundu Komandante Jerál PNTL, iha Kuartel Jerál PNTL Caicoli, tersa, ohin.

“Ha’u hateten presiza halo averiguasaun para ita iha kebenaran (verasidade) para ita halo medida, sé lae ita labele halo espekulasau”, nia afirma.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!